وش البيت الشعري اللي اذا ضاق صدرك تردده؟

المشاركة الأصلية كتبت بواسطة علوش الفضلي

الحمد لله على عودتك أخوي صالح

مشتاقين لمواضيعك المفيدة

تحيا وتبقي يالعشيررر وتسلم وهذا من طيب معدنكــ يالطيب ,,

وابشر بالخير يالغالي ,,

يا قوه الله وين انا و انت و العيد
مالله كتب لي معك بالعيد ميعاد



هذا الزمن يوعد وراحت مواعيد
وهموم قلبي من عنا البعد تزداد


في كل عيد يزيد بالقلب توكيد
ان السنين المقبله مابها اعياد

**
*

واطي قلبي طي طي(ن) على طي

طي الجرايد في مطابع صحافه


*
**

^^^

هههههههههههه

يااهو بيت حلوووو
وطيت ذائقتي به ياعمر

**
*

يامل قلب(ن) كل ما مات همه

دارت دواليب الدهر لين تحييه

*
**

المشاركة الأصلية كتبت بواسطة حاتميه

^^^

هههههههههههه

يااهو بيت حلوووو
وطيت ذائقتي به ياعمر

لا وش دعوه إختي حتوومه

ذائقتك عالية المستوى ولا نوصل إلى مستواها مهما إرتقينا

تحياتي

ايه هين هههههههه

يسلمك ربي يا عمر
من ذووووق



،،،

إعذرني ماوصفتك بالعمر
والعمروإن طال نعرف منتهاه..
وإعذرني ماوصفتك بالقمر
والقمرله يوم يفقد ضياه.
وإعذرني لوتجاهلت الزهر
الزهرلابدله يوم يفقد شذاه.
وإنت أكبر من حروفي والشعر
إنت وصف مالقيته بالحياه.

انا ما ازهم ولا يزهم عليّه
مثـل نـاسٍ محبتهـم فضيحـه
أحب اللي سواليفه خفيّه
خفيف الـدم ابـو نيّـه صريحـه
ألا يازيـن ياكبـر الخطيّة
تشفقنـي ليالـيـك المليـحـه
عليك ابدع لحونٍ سامريّه
معانيهـا علـى حبـك صحيحـه
وانا قلبي معك صبح وعشيّه
و روحي منك ما هي مستريحه
ليا شفتك سقط ما في يديّه
أفز لشوفتك واصعـق بصيحـه
أموت ان كان ما تنظر إليّه
بنظرة عطف للنـاس الجريحـه
غشاك الملح و زياده شويّه
على فرقاك ما اسمع للنصيحـه
عيونك سود حوريه جريّة
وفي جسمك من الريحان ريحـه
ألا يا اسمر ترى النيه مطيّة
تبي تكسب على هجري مديحه
تفاجيني بحجـه جاهليّه
تـدش حمـى هـواي وتستبيحـه
تعديت الحدود وبرت فيّه
ورى نفسك على نفسي شحيحـه

*
**

والله أني صبورٍ وأصبر من الجمل
أظهر الضحك وأخفي في ضميري جروح


لا تكالب زماني أرتكي للحمل
مثل ضلعٍ طويل شامخٍ له سفوح


الهبايب تلوفه ما يكل ولا يملْ
ثآبتٍ في مكانه والجبل ما يبوح ..~

لليل أحبك .. مابقى في السما نور
والى ضواني الليل .. للصبح أحبك

واللحظة اللي كلها صد وغرور
اشوف قبري بين عينك وقلبك

في صدري اسراجٍ حزين ومكسور
رغم المطر والريح ... شلته في دربـك

والله مابه غير لوعاتي قصور
وخوفي عليك الله ربي ..وربك

إلى متى ببني على صمتك جسور
لاحيرتني اسباب سلمك وحربك

العمر احبك... مابقي فينى شعور
ومتى جفاني العمر ... وشلون أحبك

،؛، .. يا قـــو قلــــبـــك .. ،؛،

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

>>البيت ليا ضاق صدري اقوله(حنا الفضول وكل حقيقه تبيني؟؟؟ من اليمن لحدود وارى وسنجار)

[poem font="Simplified Arabic,6,black,bold,italic" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
حاربت وقتي مير وقتي طرحني .. = .. واسباب موتي رغبتي ومتناعـي

شبيب يامشكاي وإن مت صحني .. = .. شبيب يا مشكاي قـرب وداعـي [/poem]

لـحـظـه بـسـيـطـه عكّرت لي مـزاجي
بـاين على وجهي غــثـا الـهـم والـغـم

الـضــيــق وايـّـا الـهـم دايــم خـراجي
آكل من الضـيـقـات واشـرب من الهم

قلبي تــكـسّـر مـثـل كـسـر الـزجـاجي
والـصـدر فـيـه امواج الاحزان تـلـطم

هـبّـت عليّ الـعــاصـفـة بـالـعـجــاجي
وتـغـــيّــرت كــل الــمـــوازيـن بـالـدم

أمشي على الـظــلــمـا بـلــيّـا سـراجي
ضـايـع وتـايــه مـا عــرفـــت اتـقــدّم

يـا يـوسـف الـدنـــيـا تـجـيـني تـزاجي
اشرب عسل والكاس مدسوس به سم

عيني تـشــوف اللي مـع الـناس داجي
وانـا على راسـي كــوابــيــس تــلــتـم

يمشي مـع العالم ضحـوك الـحـجـاجي
وانا مـن هـمــومي عـجــزت آتـبـسّـم

بــيـن الـخــلايــق والــولي الـتــنـاجي
يـالله يــا رب الـمــخــالــيــق الاكـــرم

عـبــدك ضـعـيـف وجـاك يـا رب لاجي
وجـهه مـن جـروح الـلــيـالي مـوسّـم

.

.

يامل قلبٍ رف بين الضلوعـي
رفيف حـرٍ يردعنـه مسابيـق
لو يمسك اللجه بعيد الوقوعـي
لين ايتعلى ملولحـات شواهيـق
مما بقلبي والخلايـق هجوعـي
وقت انفرادي من جميع المخاليق


.

.