متى على الله نشوف كبير .؟

هههههه الحقي يا دكتوره شموخ الدعوا كبيره فيروس
الغياب انتشر اخاف اقول كله من مغيري يهددني بعد .
لوكنت مصيف بكان ما نسمح تخلينا م مغيري متوعدنا .
=============
مالوم هموسه فيكم اثاريكم هنا دق حنك وابن عباد اولكم من ابوظبي الى دبي والمدير العام طلال اسمه يلعلع بينكم وعجزانين لاتسمحون لهموسه تدخل في الموضوع طيب اوريكم راح اخلي هموسه تهجوكم في قصيده. وبعدين انا صاحب الموضوع وسامح لها بالدخول افتحوا لها الباب. قولتك ابوصالح اشوفك ملبد.وياويلك منها تبي تخليك تهاذريبها ههههه .منور

]ما حلها الا كبير او العود خال مملوح الفضلي يمقن حا فظها جرب .

وان جبتها مصيفك في ديار قابوس على حسابي علم ما هو حلم .

والكفيل ابن عتيق والشاهد ابو عسيب .
والكاتب دواس

]ما حلها الا كبير او العود خال مملوح الفضلي يمقن حا فظها جرب .

وان جبتها مصيفك في ديار قابوس على حسابي علم ما هو حلم .

والكفيل ابن عتيق والشاهد ابو عسيب .
والكاتب دواس
==============
ههههه عمان السلطنه وعسيب جزء الله عن مصيفك هذا واذا مالقيت حجز وش اطير عليه اخاف شبيه الحلم.امحق حق وامحق ثلاثه اي مضمون لاعلم ولاحلم ههه؟اجل لاعاد احد يوخذني من اليوم بهذري مادام الوضع كذا.ابشر بخال ملوح نسئل ليش لا. وانت اسئل شموخ الغاليه يمكن تجيبه.

عمي ابوصالح صح لسانك ولاهنت ياطويل العمر
وماتقصر يلا اللي يبي يصيف بعمان تراه معزوم من ابوصالح
وتكاليف الطيران ع ابن عباد مايصير نحط كل التكاليف
ع عمنا وانا علي اصير مرشد سياحي......

واما المغيري ممنوع منعا ‏
باتا ‏
وخله ‏
بحلامه ‏
وكوابيسه
صار يمشي ويسولف ع روووحه ماصار حلم
ابلشنا فيه....
وهموسه انا اعلمها وش الموضوع
كل السالفه انه المغيري حلم انه شاف حاتميه بالحلم
ويقول انا وانتي شهود على الحلم..............وبس


وملوح مدري وينه ضاعت اخباره من مبطي......

هههههههههههههههههههههه

اما ياالمغيري سويت قصص هنا

ابغى اسألك لما تنام وش تتفرج عليه قبل ؟؟؟

اقتباس:
المشاركة الأصلية كتبت بواسطة ابن عباد
هههههههههههههههههههههه

اما ياالمغيري سويت قصص هنا

ابغى اسألك لما تنام وش تتفرج عليه قبل ؟؟؟
هههههههههههههه
وانا انام حتى تفرج !?!اي قصص هذي بداية مفعول الاتحاد يابعدي ياحبي لك ههه

السلام عليكم ورحمة الله وبركاته

اسعد الله مساكم بالمغفره والرحمة والعتق من النار يارب العالمين

شخباركم يالغوالي شلونكم عساكم بخيررررر

ياحلو جمعتكم ويازين سوالفكم

اشتقت لكم حييييييييييييييييييييييييييييل وحشتوني واااااااااااااااااااااجد

سامحوني اطال الله في اعماركم على القصوور انا مقصر معكم كثيرررررررر

بس ان شاء الله هالاسبوع وارجع لكم داعواتكم لي

انا متابع لكم بصمت والله كل ماشوف سوالفكم اقول ياليتني معهم وودي اشاركم بس شي يمنعني ويقولي لا لاتحشر نفسك بينهم

يسعدكم الرحمن دنيا واخره

دمتم بخير

تقبلو تحياتي واشواقي :صاحب عبدالرحمن وسعود

مراااحب اخوي العود الازرق /نيابه عن راعي المحل وحياك ربي ويسعدنا مشاركتك معنا انت وغيرك الباب مفتوح مايحتاج تستئذن منور ! بس قبل ماتشارك فيه عندنا شرط هو انك تجيب ابوصالح من ارض اوسما ارحبوا

العود الازرق منووور دوووم ماهو يوووم

وبنتظار رجوعك زي زمان....الله يوفقك ويسعدك

‏<‏‏<ابن عباد ‏
ترى المغيري يطالع توم وجيري قبل نومه ‏
يحب يقلدني ههههههههههههههه



وعمي ابوصالح الله يحفظه وينورنا بتواجده ‏
فوق روسنا......

وحتى كبير مدري وينه......مااشوفه

هلابكم يالغوالي

منور بوجودكم يالعزوة

مغيري -الشموووخ مششكورين وماقصرتوحتاج

مغيري مايحتاج ادور على عمووو لانه موجود معنا ع طول وحتى لوغاب عدة ايام فهو موجود في قلوبنا الله يحفظه ويطول في عمره

يعطيكم الف عافية

يسعدكم ربي دنيا واخره

دمتم سالمين

السلام عليكم ورحمة الله وبركاته وأعتذر عن الغياب ان كانكم فقدتوني

ولد العم الدويسي


عثمان التويجري، رئيس شعبة البرقيات بديوان ولي العهد في بداية حياته استقر فترة من الوقت في الكويت،شــارك مع الملك عبالعزيز في بعض حروب توحيد المملكة العربية السعودية وقد شـــارك في جباية الزكاة عام 1350هـ (بناءاً على وثيقة تاريخية)،كما شارك في حرب اليمن -أو بالأصح حرب نجران- سنة 1352هـ تحت قيــــادة الملك سعود عندما كان ولياً للعهد آنذاك،وقد توفي رحمه الله في سنة 1412هـ وكان شاعراً متمكناً وله عدة قصائد، من أشهرها قصيدته النبطية التي ما زالت تردد:

متى على الله نشوف طـويق يا طامي
متى تــــدوج المواتر حـول حطـّـــابــــة
هني من شـاف خـــزّة ضلعها زامـــي
يلوح مثــل السّــــــراب وتقنب ذيـابـــــه
ربيع قلبي وشــــوقي واسعــد أيـّـامـي
شوف الوطن واهنيّ اللي تمشّــــــا به
جيراننا من جنوب انساب واعمامي
لاجيتهم جيت لك بيت تذرى به
وجيراننا من شمال الميسم الحامي
في حزة الضيق للأرواح جلابه

البيتين الأخيرين أخذتها من أحد المهتمين بالشعر القديم ويقول بأنه سمعها من أحد كبار السن
ويقول بأنها ثمانية أو عشرة أبيات والله أعلم


وبعث عثمان التويجري هذه القصيدة في رساله الى الشيخ عبدالله بن عبدالمحسن الماضي وكان خارج المملكة يقول

متى على الله نشوف سدير والمشقر
هنيّ من شــــاف واد النمــــل والعبله
لعـــل من لامني في حبها يكســــــــر
ياهبل من لامني بســـــــــــدير ياهبله
قعدت بالغــــــــرب عام ماقويت اظهـر
قلبي مريضٍ وعيني تنظــــــــر القبله
بديـــــــــار صهيون فيهـا كل ما يبهـــر
مابيــه ودّي بواد الشّـــيـــــح والربله
جعل الوســــم بالجزيره دايمٍ يمطـر
خمسـين عــامٍ عليها ضـــافي وبله
ارجي عس ذنبهم يوم الحشر يغفر
لاحيث مافيهم السّعســـوع والدبله
اهل العوايد وبعض افعالهم تذكـر
بالحـــرب والسّـلم كل وافي حبله

====================





وهذه أبيات لناصر بن عبدالله السعيد من أهل جلاجل

دار لنا بســـــدير يا علّها العـــــزّ
في ظل حكـــــمٍ بالرقي زاد عـزّه
يا للي تريد الطايلة لا تعيجــــــــز
ما يطلع الرجال لا زاد عجــــــزه
عروس شعري تبغي اللي إلى فـزّ
يبيـن فعله في جـلاجـــــــل وفـزّه
اللي اْفعوله دوم بالعـين تنخـــــــزّ
أوضح من أم عنيق قل ضلع خزَّه



وأم عنيق جبل جلاجل المشهور، شاهق الارتفاع يطل عليه من الجنوب وله شكل بديع عن بُعد، وهو من معالم جلاجل

يقول الشاعر جديع بن سودان العنزي عنها:

عــدّيت بأمّ عنيــق ما فـيــه تـبـريــق
وهلـّـت دمـوع العين من شِنْ حـداها
أنا أحسب ام عنيق تفرج عن الضيق
وأثر الحظيظ اللي سِـلْـم ما رقــاهــا

أما ضلع خزَّه فهو ذلك الجبل الممتد خلف العِبلة ويقع إلى الشرق من بلدة عشيرة وهو نهاية جبال المجزل من الجنوب وإلى الشرق منه تقع بلد ة تمير وهو جبل مرتفع ومشهور عند أهل المنطقة .



ولد العم الدويسي بحثت وسألت وراجعت



ولم أجد غير ماذكر أعلاه


والعذر والسموحة عن التقصير ياعيال العم .

وتقبلو خالص تحياتي ....

م مغيري ابن عباد شمو خ الغا لي العود الا زرق هموسه وكل من تا بعنا هنا هذا كبير حضر الف مبروك الله محيي ابن العم منور
وجاب معه اللي دورنا عليه ولا لقيناه غير عنده .
كفيت وزياده وفيت .
لا تلوموني اذا صوت انشد عنه .

يبارك في عمرك ياعمي

ابوصالح
ممممممم

دام انه حضر كبير

انا اشوف اسباب الغياب هل هي بعذر او لا؟
بالاضافة طبعن الى غرامة على كبير سواء بغياب بعذر او لا !

بصراحة ولايهون الباقي

حضوره كبير بيننا مثل اسمه

منور ابن العم

كبير بخت

اقتباس:
المشاركة الأصلية كتبت بواسطة إبن لام الدويسي
م مغيري ابن عباد شمو خ الغا لي العود الا زرق هموسه وكل من تا بعنا هنا هذا كبير حضر الف مبروك الله محيي ابن العم منور
وجاب معه اللي دورنا عليه ولا لقيناه غير عنده .
كفيت وزياده وفيت .
لا تلوموني اذا صرت انشد عنه .

================

ولد العم الدويسي

شكرا جزيلا لكلامك الطيب

شكرا جزيلا لتواضعك ياطيب

شكرا جزيلا لإشادتك الطيبة

ولد العم يمكن أصدق واسويها

تقبلو خالص تحياتي ...

اقتباس:
المشاركة الأصلية كتبت بواسطة ابن عباد
يبارك في عمرك ياعمي

ابوصالح
ممممممم

دام انه حضر كبير

انا اشوف اسباب الغياب هل هي بعذر او لا؟
بالاضافة طبعن الى غرامة على كبير سواء بغياب بعذر او لا !

بصراحة ولايهون الباقي

حضوره كبير بيننا مثل اسمه

منور ابن العم

كبير بخت

=======================

ولد العم ابن عباد

الله ينور عليك ويرحم والديك

أنا ولاشيء بالنسبة لكم ولاشيئ من غيركم

أنا حاضر الغرامة اللي تبون مستعد وأمري لله

تقبلو خالص تحياتي ....