حكمة زمن..

السلااام عليكم ورحمة الله وبركااته

مساااكم وصبااحكم الخيير

قصيدة جديدة ..كلها حكم في حكم

للشاعر حمود الجابري

يقول فيها..

هلَّ الزمن وظروف الايام تحتاس
لايصطفق داخلك شي منها

لا تشكي اهمومك و ضيقك على الناس
رزقك على اللي كل خلقه ضمنها~

لاتبيح باسرارك على كل مجلاس
تلقى السوالف بالمجاليس عنها

اصبر ترا بالصبر حكمة ونبرااس
لا عمست الاريا يجوّد رسنها~

للصبر موقف والمواقيف مقياس
وشاور حكيمن حكمته مختزنها

يعطيك من در الهواجيس الالماس
اللي بصدره كم تجارب دفنها~

تدرك مطالبيك وتبني لها ساس
ولابد للعاقل يحصّل ثمنها

وارفع مقامك عن رديين الاجناس
لو يمدحونك باللقا لاتمنها~

لارحت حشو بالعراقيب الانجاس
ناسن على درب الردى شوم عنها

مامن وراهم بالزمن غير الافلاس
ناسن مشى طبع الردى في بدنها~

احرص على الطيّب ترا الطيب نوماس
اللي ليامن قال هرجة وزنها

تامن على اسرارك وترفعبه الراس
حتى حياته بالوفى لك رهنها~

والصدق يكسب صاحبه عز واحساس
يغنيه عن زيف الامور وعفنها

ومع هبة الريح انتهض مثل قرناس
حرر قيود الطيب والنفس صنها~

ولو تصفي الدنيا لك ايام تنحاس
دنيا ردية لا يغرك زمنها

ماهمني فيها المظاهر والالباس
قلبي ليامن عاف حاجة ركنها~