الصفر ماهو مثل سلم الريالي..

الكيف ماهو كيف وأنا لحالي..
الكيف لازم من يمين تسوقه

له صبه وأنشد عدول الرجالي..
وله خرمةٍ فالراس ساعة ذوقه

من دلة ماهي سوات الدلالي..
لاحمسته نية ولاهي محروقة

وله حزة ساعة هبوب الشمالي..
يوم الحيا ترعد وتبرق بروقه

في حيد خدر مدركٍ بالحبالي..
ظلٍ لو ان الشمس فالقيض فوقه

فيه الرجال اللي تضد الحلالي..
ومعزبه يانس دمه في عروقه

مثل الجمل ماله يغير الثقالي..
عرف وظفر والطيب كله يحوقه

راعي جميله من عيال الحمالي..
ماله مثيل ويامن الناس بوقه

من روس قوم وعرفته راس مالي..
ولينتخي يلقى رجالٍ تشوقه

كنه جبل من نايفات الجبالي..
يسوق ماحد من خلافه يسوقه

واللاش ماله فالشكاله مجالي..
والثوب جار النار تكثر شقوقه

والصفر ماهو مثل سلم الريالي..
ليا طب فالاسوق تظهر فروقه

ويالله ليا شديت يمك رجالي..
تغفر ذنوب اللي قصر في حقوقه


للشاعر..
نفاع الربيقي السلمي

ذائقه رائعه صح الا ختيار وصح لسان الشا عر

صحح ابدنك تسسلمم