ســـلامه المُــــرعب .. !!!!!

	من هـــي مو يضــــي الـــبرازيه : هي عـــلــم مـــــن اعـــلام الـــشــعـــر الــنــســائي الــقديــم واسـمها الــكامل : مويضـي بـنت ابو حــنايا المطيـري و عرفـــت باسـم ( مويــضي الــبــرازيــه ) وهــي مـن قبيلــــة مطــــير ، ولهــا العــديد من القصايد لعــدة مناســبات .. ** ســـوالف وقصــايد للشــاعره مويضــي** 1- روي انه كان يحكــم قبيلتهــا عــبد اسمه ( ســلامه ) وكان الغناء فـي هــذاك الوقت من كــبائر الذنـــووب و مويضي كانــت تحــب الغـــنا والتنكــس فـي العروس والحقيقــه انها كانت تحب تغـني القصايد اللي تقــولهـا وكانت تحــرص إنـه مايصــير حولهــا أحــــد اذا جــت تغــــني عشــان مايشـكونهــا لســلامه العـــبد ويلعـــن جــدفها ... الييين جااليووم اللي انفضحــت فـــيه وســمعوها تغــني ، وشـــكوها للعـــبد ســلامه اللــي ضـربها وحــذرها مـن الغــنا وهــددها وقـــال: والله ان ســمعت انتــس مغنيــيه مـــرتن ثانــيه إني لســجنك ، وضــاق صدرها من هالتهـــديد و أخذت حذرها لــين جـــا مـــرّه .. كانــت تتمـــشى وشــافت حمـــامه تغـــني وفــــزّ قلبهــــا وقالت ابيات تحســد الحمامه فيهـــا انهــا تقـــدر تغــني بكـــيفها وفـي نفـــس الوقـــت تحــذر فيهـــا الحمامـــه مـن الغـــنا فـي هالمـــكان ، وتقـــول لها كانـــك تبــين الغــنا والفلـــه روحــي للفــرعه ديـــرة الوداعــين مــن الدواســر لانهــم ســــمحيين ووش حليلهـــم ولا يخـــاالفوون وهـــذي هــي الا بــيات : ياسـعد عيــنك بالطـرب ياحمـامه .. ياللـي عـلى خضـــر الجــرايد تغنــين عزي لعيـنك وانـدرى بـك سـلامه .. خــــلاك مـــثلي يا حمـــامه تونـــين كسر عظامي كسـر الله عظـامه .. شوفي مضارب شوحطه بالحجاجين جاني يقـول مروحيـنه عمامـــــه .. الله يخـرب ديــرة لاصفـــر الـعــــــين إن كان ودك بالطــرب والســلامه .. علـــيك با لفرعـــه ديــــار الوداعيـــن تنحــري ربــع تفـك الجهامــــــــه .. فـكاكــة القـــالات بالعســـر والليـــن دخيلهم ماحـد عـلى الحق ضامه .. لو هــو ضعــيف الحـال ما يلحقه دين 2- وفي مــره من المــرات شتمها زوجها وعااب عليها طوول قامتــها شكــل زوج مويضي مايدري ان بيجي اجياال عقبهم طول النمله ويتمنون الطول شفااااااااااقه .. طول الجسم ما عذربن كل قبا .. يوم اللقـا ما يركــبه قاصــر البوع اقعــد ببيــتك جعــل بيـتك يهبا .. لعـل بيــتك بين الابـيات مشـلوع عسـى الصغــير بينـنا ما يربى .. عساه ما يلعب على فرخ جربوع ما عــذربن كل قــبا : يعــني لــم يعــيب الفــرس طولهــا .. -3 مره من المراات كانت جالسه مع اختها بنا ، و بنا كانت متزوجه فااارس من اقوى واشجع فرسان القبيله وكان طالع في غزو وشتا قتله ، فقــامت الله يهديها طلعت حرتها على خويتنا مويضي وقامت بنا تجاكرها وتمدح شجاعة زوجها وانه هبة ريح ونشمـــي و تلـمـح { ان زوجتــس يا مويضي خـرطي ومهـوب شي } وتقــول : شوقي غلب شوقتس على هبة الريح .. ومحصلن فخر الكرم والشجاعة ركاب شــــوقي كل يــــوم مشــــاويح .. واذا لفى صكوا علـيه الجمــاعة يا البيــض شــومن للرجــال المفـــاليح .. لا تقربن راعي الردى والدنــاعة عاد تحسبون مويضي سكتت لها وخلتها ؟ مويضي ردت عليها وقالــت : ما هوب خافيـني رجــال الشــجاعة .. ودي بهــم بــس المناعــير صلفــين اريـــد مندســن بوســط الجماعـــة .. يرعــى غنمهــم و البهــم والبعــارين واذا نـــــزرته راع قلـــــبه رعاعــــه .. يقول يا هـاف الحشــا ويــش تبغــين وان قلت له هات الحطب قال طاعة .. وعجــلن يجـي بالقـدر هو والمواعين لو اضـــربة مشـــتدة فــي كـــراعه .. ما هـو بشـــاكيني ولا الــناس دارين 4- كان لمويضي اهتمامات متعلقـه بالفروسيـه والخيــل فحصـل مـره انه كان فيه فارس عتيبي اسمه مخلف الدغيلبي وصار بينه مــنازعه مع مجموعه من فرسان قبيلة مطير اللي هـي قبيلة مويضي وغلبهــم رغــم انه كـان وحيد وهم كثـار فقالت فيه هالابيات : وا ديرتــي عـنها مخــلف حــداني .. حدي الظوامي عن بيار بها جــم واحـد و خـلا الــدم بالقــاع قــاني .. يا ابوي لـو لاحــق لـه ولـد عــم اذا انتخـى من فوق بنت الحصـاني .. الخـيل من خوفه تفرق وتلـتم خـلا شـيوخ مطـير مثل السـماني .. أهـل السيوف اللي لعافيظها دم للأمانــه أقــول أن كل ماقــرأتوه منقول من منتديات قبيلة بنــي زيد ، للكاتبه { اليمـ ســـيدة القـــلم ــامه }.

تسلم الايادي اخوي

ابو مراد

على هذه التحفة الفنية الرائعة الجميلة

يعطيك العافية ياالغالي

ابو مراد سلمت يمنآآآك وصح لسانها وطبعا موضي
غنية عن التعريف

جد استمتعت بالقصه مثلما استمعت بالابيات

يعطيك الف عافيه ‏

حفظك الرحمن ولاحرمنا حروفك وتواجدك....

ما اجتمع سلامه وأسير الوفاء الا كانت النتيجه كم مرعب من الروعه
شاكرين لكم هذا الوقت الرائع الذي قضيناه مع متصفحكم الجميل
شكلا ومضمونا الداعم الكبير لنجاح مسيرة العطاء الفكري والادبي
والتواصل الاخوي ابو مراااااااد .

نقطة نظام شموخ كن ابيات توقيعكم متغيره
او يخيل لي .