قصيده مؤثره لشاب فقد امه في حادث .....

قصيدة كتبها شاب صار له حادث سيارة ووالدته كانت معه وكان مسرعا
نتيجة هذا الحادث الوالدة توفيت نتيجة الإصابات الخطيرة وهو إصابته كانت خفيفة وهذي الأبيات قالها للذين يواسونه
كلمات جدا جدا مؤاثره

وهذي الأبيات قالها للذين يواسونه ...........
0يواسيني وانا الميت وحالي يجبر الدمعات تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات يجبروني عشان امشي ورجلي ما تمشيني

قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني

وكنه حلم قدامي يقيدني من الصرخات ابي اصحى ولكني عجزت القى الي يصحيني

فداك القلب يايمه ومهما قلت من كلمات صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني

تجول عيونهم فيني تفصل مني قياسات وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات وصار الهم عكازي اباكيه ويباكيني

عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات تعالي غيري هالقول واطيعك باقي سنيني

واترك عادة التدخين وانفذ ما تبي بسكات واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات ابيك انتي ولا غيرك على موتك تعزيني

وضميني وداويني مثل ما كانت الهقوات ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات انا مقوى ابكيك اذا انتي تبكيني

الله يرحم امه يارب وان شاء الله ربي يغفرله....

فهد


طرح مميز من شخصكم الكريم


بارك الله فيك

تحياتي ..
وياك اخوي ناصر
لاتحرمنا من ردودك ..

فهد

والله فعلن قصيدة حزينة

وحزنتنا الله يرحم امه ويغفر له

وانشاء الله الله يسامح الشاب

الذي تسبب في موت امه السرعه الطايشه من شاب فعلن طااايش

عالعموم أشكرك ع طرحه هذا القصيدة وانشاء الله فيها عبرة لمن يطلع عليها

تحياتي ..
اخوي صلاح كيفك ان شاء الله بخير ..
الله يرحم امه ويهديه ويهدي شبابنا ..
هههههه ويهديني ان شاء الله بعد لاني مدمن سرعه ..

بخير طال عمرك يالغالي

فهد كلنا بالهواء سوا بس في أشياء تذكرك في الحوادث والمشاهد التي كل يوم

تشاهدها أكيد تبي تخفف السرعة

لأن انا أخوك في ماقوله تقول

يــارحو مابعدك روح

والله يكفينه من كل مكروه

الله يغفر لها ويرحمها .. وصح لسانه ع القصيده المحزنه والجميله ايضا

يعطيك العافيه فهــد وتسلم يديك

تحياتي ..
اخوي صلاح الله امين ..
هلا حاتميه منوره وينك من زمان عنك ..
وتسلم يدك على الرد ..