:: نــاعــم العـــود :: - مجلس قبيلة الفضول التوثيقي الرسمي الأول

#1 18-02-2008, 11:31

جيت انا أكتب والورق صار مفقود
واخذت حبري دمع واوراقي خدّي

وسطرت كلماتٍ لجل ناعم العود
اللي عطيته كل حناني وودّي

اللي خذا مني مواثيق وعهود
واللي على شاطيه جزري ومدّي

يا صاحبي وإن قلت ياصاحبي عود
ارجوك عود وخل خزني يعدّي

ياصاحبي والهرج مافيه منقود
اشتقت لك والشوق ماهو بيدّي

تخيل اقعد ليلي وناسي ارقود
ومن السهر ياولفي بحيت سدّي

تبيني افهق لك ضلوعي بعد زود
ماودي تشوف الذي يهد هدّي

آمال واحلام وطموحات ووعود
وجروح صد وشي يجيب ويودّي

تعال يمي يابعد كل الوجود
وشوف حالي كيف مايفيد عدّي

لولا الرئه جنب الرئه كنهم زنود
تعين قلبي ع الصبر والمكدّي

كان انا في عداد حي ومفقود
لن الصبر حد وحدي يعدّي

صالح العبيد الله

أمير العشاق

18-02-2008, 11:55

ياصاحبي والهرج مافيه منقود
اشتقت لك والشوق ماهو بيدّي

استمتعت بنص قل ما اقرأ مثله بعالم الرومانسيه الرااائعه

صح لسانك واحساسك ودامت مشاعرك فياضه بكل ماهو عذب

:: امير العشاق ::

لآتحرمنا من جديد ابداعك

ولك اطيب التحايا