|
|
 |
 |
|
||||||||||
 |
 |
| مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
 |
|
|
أدوات الموضوع |
|
#1
21-12-2007, 09:27
|
|||||||
|
|||||||
عرس بغداد شعر شعبي عراقي
عرس بغداد
ـــــــــــــــــ عَروسَه إبلا مَهَر لِلذ َبـِح زفوها إوياريت إلذِبَح قصاب عَكِس ذ َبح الخـَلـِق حلوتنا ذِبحوها صُبحَتها دَمِع ومحَنيَه إديها إدموم إوبَدلـَتها نـَخل مَياس وإلمَياس مايلاح راسه إعروقه حَشوها عَروسَتنا مُـهُر لوهـَب تِغـَني الكاع رِكبوها جـِسِر مِن خـَنيَب إلمعبار إولِلناعور بالصَيهود سِرجوها عَروسَتنا قصيبَه إمحَليَه إلحديثات غاروا مِن سِحِرها إمكعكِلين إلروس إومِثِل ريش إلخضيري نـَتِف نِتفوها عَروسَتنا نـَهـَر مِن فيضَه بينا الزود شِربوها رَشَن بالصيف بـِشتـَه إبلا وَرَع بالفيض بَزوهــــــــــا عَروسَتنا ثـَدي بـِضلوع إلمحِبات لـَبأ زاكي إبصِباهم رضعَوا الظرعين وأتلاها إبصَدرها الفاله هِشلوها عَروسَتنا حِظِن لولـَتنـَه وإحنه إزغار إوبارتنا زِلِم وإبين إديها إرغيف مِن قـَصَر خـبزها إلزِلِم عَضوها عَروسَتنا دَمِع بجفون إلمعَرسات مِن يـِنزِل فـَرَح يغتاضَن الرمشين أنانيَه إبعِرِسها غـَصُب بَكوها عَروسَتنا كِحِل بـِعيون إلبنـَيات مِن تِبكي كِحِلها إويَ الدِموع إيسيل سادِيَه إو أبالِس دَغـَش كَحلوها عَروسَتنا حَديقـَه إمزوقـَه إلولايات كَلـَوا طـَيـِب ثـَمَرها إلتين وإلزيتون من جَفـَت حِسَك سِعدان زِرعوها عَروسَتنا عَرَق بـِجباه إليتعبون إتوَسموها شَرَف يوم إلنِفاهه إوزود إومِن حَل إلوِفـَه هَل عِرقـَه زاحوها عَروسَتنا تفـَك هَلهَل فِشَقها إلماو سِرقيها إنتـَخـَه إوحَط مِشطـَه بالترباس إوجيلات إلمشط بالحجرَه حِبسوها عَروسَتنا إمام إويوجع إلشارات صَلـَوا بيه جَمِع مصباح جمعَه إوعيد وإلخـَمسَه قـَصُر بالعِتبَه صَلـَوها عَروسَتنا شَرِع رمضانـَه خـَمس إفروض بالدَك وِإلدَكر أدَوا ثـَلاثـَه إونيف وإلباجي إلبُقة وي ذيك صاموها عَروسَتنا نِذِر نِذروها لِلشيطان إغتِصَبها أبليس كبل إلزَفـَه تالي إلليل مِن صِرخـَت شَرَف بالشَرَف حِرقوها إهي دار السلام إوكَعبَة الغازين إهي بَغداد إلعَظيمَه إلمالِواها الكون أبصَلاة الله إعلى طه إوياي حَيوها 
|
|
23-12-2007, 08:53
|
#5 | ||
|
رد : عرس بغداد شعر شعبي عراقي
اقتباس:
|
||
|
|
|
23-12-2007, 09:11
|
#6 | ||
|
رد : عرس بغداد شعر شعبي عراقي
اقتباس:
|
||
|
|
|
05-02-2008, 05:05
|
#8 | |
|
المراقب العام
|
رد : عرس بغداد شعر شعبي عراقي
طه الكبيسي
تسلم يمينك ياابن الرافدين على الكلام الجميل ساتعود بإذن الله بغداد .. حرة ابيه وسيبقى عراقنا الجريح .. حرا ابي العراق الجريح .. جرح امه بإكملها |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
