ألفية محمد الذرفي

بسم الله الرحمن الرحيم
اخواني خواتي

السلام عليكم ورحمة الله وبركاته

مشاركتي هذه قصيدة الفيه عسى تنال على اعجابكم

( الألف ) ألفت القصيد وجبرته + على هوا نفسي لنفسي صخرته
شيطان شعري عادتي يانتظرته + يجود في نظم المثايل والأشعار

( البا ) بديت اكتب معانات روحي + للباركر بوح المشاعريبوحي
احس في خطه يلامس جروحي + يالامس الاوراق في سرد الافكــار

( التا ) تليت الباركر وسفهليت + وخففت من شيً ورا العوج كنيت
اكتب ونوب(ن) ياصفا الجو غنيت + وصف بين اللي يسطره واختار

( الثا ) ثمان السنين والسر مكتوم + المستفز الحاس ماياخذ اعلوم
واخطرت من قبل امس ثم امس واليوم + خطير ابيح ياعرب كل الاسرار

( الجا ) جمرة نار حب(ن) قديمه + عيا مع الايام يطفي جحيمه
والروح من ماجاه ماهي سليمه + وشلون يسلم من كوت روحه النار

( الحا ) حاولت اطفي جروحي بروحي + واقول مع سمر اليالي تروحي
لاشك عيت لاتشافى جروحي + وش صار والله مادري ويش اللي صار

( الخا ) خفوقي ضيقته الهواجيس + وش عاد لو اني تعوذ من إبليس
دايم معي ينبش جروح(ن) مراميس + من يوم أنا وللي تمنيته اصغار

( الدا ) دامك غايب(ن) ياحياتي + اسرح مع التفكير في ذكرياتي
واعيش بوهام الظفر للمماتي+ تذكار وسمك دايم الدوم تذكار

( الذا ) ذلي بعد زولك عن العين + ولاانت في قلبي وعقلي من السنين
البعد ناراً في صدور المحبين + واخف نار البعد كياً بمسمار

( الرا ) رماني حضي الشين يازين + على ظفاف النهر لا بين نارين
نار الرجا والياس ياداعج العين + خلت فوادي دايم الدوم محتار

( الزا ) زمان(ن)فات ماوالله انساه + اعيش لــجله وتلــذلــذ لــذكراه
لو رحت تبقى لي رسومه وطريــاه + لودجت بالاسفار في بعض الاقطار

( السين ) سم الروح ياسين حبك + فرح(ن) تقول أنا بعد من لــعبك
ياكن ودك بي تقرب للربك + ماتدري انك تاخذ الذنوبً اكثار

( الشين ) شخص علتي ياطبيبي + أنا الذي من سهم عينك صويبي
ادواي عندك حيل ماهو صعيبي + من شخص مثلك مايفكن الاعذار

( الصا ) صدري ضاق يامدمج الساق + الروح لـك تشتاق والقلب يشتاق
وان ماحصل شوفك علي الفضا ضاق + كني سجي(ن) دونه ابواب واسوار

( الضا ) ضدي وانت تعلم بضدي + وتدري بلي بيني وبينه تحدي
أجيك لو اني تجاوزت حدي + لــجلـك تعرضت المخاطر والأخطار

( الطا ) طويت البعد يازين الاوصاف + وحبيت مسرا الليل من حيث لاشاف
ياسين ماعندك لمن زاارك اسعاف + يبرد عنا نفسي عقب هم الاسفار

( الظا ) ظهرت بليلة(ن) مابها نور + على مكان(ن) بيننا كان مخبور
جيته يمار السور معاد به سور + الله واكبر ياتصاريف الاقدار

( العا ) عيت عيني النوم ترضاه + من عقب ماطالعت لسور وش جاه
عزاه ياجور الليالي ياعزاه + صدق الزمن غدار ياقيل غدار

( الغا )غيمة حزن فرقاك ياشوق + جتني يسوقه هاجسي للحشا سوق
ماشوف مافوقه ومن تحته ابروق + وفيها مطر ماهو مثل كل الامطار

( الفا ) فدتك الروح ياعذب الاجناس + يغلى من الغالين ياجوهر الاماس
ياحب من حبيت مايعرف الياس + ارجع وعادي لو تعنيت مشواار

( القا ) قاض الحب بيني وبينك + هديت(ن) قـــد بلــلــه دمع عينك
وأنا خذيته يالغضي من يدينك + وحفظتها باسر عن كــل الاضراار

( الكا ) كفتني جيتي للمكاني + جلست وأنا حس زولك وزاني
وسرحت باتفكير والطيف جاني + كنه بعد يحمل من احبابي اخبار

( اللام ) لــد الـياس يازين لــده + احيا الامل تحيا معاه الموده
النفس نــده بس شوفتك نــده + ماله مطاميعً على قولك أكبار

(الميم ) مدري بس قلبي دليلي + اني بعد لو انتظر ماتجيلي
وقررت اعود من مكاني بليلي + واسري بظلما الليل ومطف الانواار

( النون ) نور العين والله حبيبي + ارجيه وترجاه حتى المشيبي
ياعل ربي يجعله من نصيبي + قبل يشيل الروح قصاف الاعماار

( الها ) هوا بالي وشفي وكيفي + شوفتك ياعذب السجايا الشريفي
زين وعقل رزين ماهو خفيفي + لؤلؤ وأنا لمعذب الروح بحاار

( الوا ) وشبك وش تبينا نسووي + انهبك والا يالريش العين تووي
عجل عسى تبرد بالاخبار ضوي + والا بداال الدار ياصاحبي دار

( اليا ) يمين الله مني ومنه + يبقى ولو حتى الظروف اقهرنه
وأنا معه باقي ولاخاب ظنه + عهداً تكرر بيننا أمراار وأمراار

وسلامتكم
اخوكم \ محمد الذرفي الشمري

توجدت مير الوجد ماينفع المحتاج \ ولايرجع اللي راح لو قلت ياوجدااااه

( الصا ) صدري ضاق يامدمج الساق + الروح لـك تشتاق والقلب يشتاق
وان ماحصل شوفك علي الفضا ضاق + كني سجي(ن) دونه ابواب واسوار


وعليكم السلام ورحمة الله وبركاته

تنال إعجابنا غصب يا أبو سند

صح لسانك وإعتلا شانك قصيدة جزله من راس جزل

كفيت ووفيت ولا فض فوك يالغالي

سلم لنا بوحك وسلمت يمناك اللي خلت الباركر يخط هالأبيات الرائعه

سجل إعجابي وتقبل مروري

جُل التحايا

هلا ابوعبدالله صح بدنك يالغالي

عمر أنا قريت لي موضوع اعتقد انه تم حذفه

وحز في نفسي واحزني كونه من اخ لنا غالي ويحترمه الجميع

ولكن أنت يابو عبدالله أكبر من الكلام هذا كله لاتتركنا المنتدى بدونك جسم بلاروح

لالالاتركنا لانسمح لك بذالك ابد

يناديك اخووك \ ابو سند

اقتباس:
المشاركة الأصلية كتبت بواسطة محمد الذرفي

هلا ابوعبدالله صح بدنك يالغالي

عمر أنا قريت لي موضوع اعتقد انه تم حذفه

وحز في نفسي واحزني كونه من اخ لنا غالي ويحترمه الجميع

ولكن أنت يابو عبدالله أكبر من الكلام هذا كله لاتتركنا المنتدى بدونك جسم بلاروح

لالالاتركنا لانسمح لك بذالك ابد

يناديك اخووك \ ابو سند

ما فيه موضوع ولا تم حذف شئ هههه

عزيز وغالي يا أبو سند ولك الإحترام والتقدير

لا يحز بخاطرك شئ ياعمو أبشر بعزك يا أبو سند أنت تأمر أمر ولك السمع والطاعه

تحياتي

اقتباس:
المشاركة الأصلية كتبت بواسطة عمر المسعر
اقتباس:

ما فيه موضوع ولا تم حذف شئ هههه

عزيز وغالي يا أبو سند ولك الإحترام والتقدير

لا يحز بخاطرك شئ ياعمو أبشر بعزك يا أبو سند أنت تأمر أمر ولك السمع والطاعه

تحياتي

هذا والله ظني فيك يابو عبدالله دايما ً صدرك وسيع وروحك مرحة
لاخلى والاعـــدم
تحياتي ياغالي

( الفا ) فدتك الروح ياعذب الاجناس + يغلى من الغالين ياجوهر الاماس
ياحب من حبيت مايعرف الياس + ارجع وعادي لو تعنيت مشواار



ياسـلام عليك يابو سند

صح السانك وعتـلا شانك والله ان هالقصيده ماتطلع الا من راسن

جزل وانت راعـي الجزل

والله ان البيت هذا يضحك ويبكي ههههههه

الله يعينك يابو سند بصراحه ذكرت معاناتي

الله يعين اللي يحبووون

( الوا ) وشبك وش تبينا نسووي + انهبك والا يالريش العين تووي
عجل عسى تبرد بالاخبار ضوي + والا بداال الدار ياصاحبي دار

ارحبو يا أبو سند يابعد كل من الف الفيه لفيت قلوبنا لف
وما نبدل دارك ودار عمر وابن منحول بدار.

دار الفضول دارنا اسلم يا أبوسند على الألفيه الناريه

اليوم نحتفل بنادي القرن والفية القرن

اقتباس:

ياسـلام عليك يابو سند

صح السانك وعتـلا شانك والله ان هالقصيده ماتطلع الا من راسن

جزل وانت راعـي الجزل

والله ان البيت هذا يضحك ويبكي ههههههه

الله يعينك يابو سند بصراحه ذكرت معاناتي

الله يعين اللي يحبووون

ابو خزاما صح الله بدنك ياغالي ولاعليك زود انتم اهل الجزاله والكرم والشجاعة

يقول عمر وش فيك دايم تروح للماضي قلت والله يابوعبدالله ماقدرت انساه ابد هههههههه

يشرفني مرور مثلك وشرواك على متصفحي المتواضع

تحياتي اخووي الغالي

اقتباس:


ارحبو يا أبو سند يابعد كل من الف الفيه لفيت قلوبنا لف
وما نبدل دارك ودار عمر وابن منحول بدار.

دار الفضول دارنا اسلم يا أبوسند على الألفيه الناريه

اليوم نحتفل بنادي القرن والفية القرن














هلا بخووي وينكـ وينكـ ياحرااامي اقول والا اسكت هههههه

صح الله بدنكـ يابوصالح ياطيب الاصل يشرفني مرور مثلك وشرواك

على متصفحي المتواضع

دمت ودااام عزكـ

وعليكم السلام ورحمة الله وبركاته

الجا ) جمرة نار حب(ن) قديمه + عيا مع الايام يطفي جحيمه
والروح من ماجاه ماهي سليمه + وشلون يسلم من كوت روحه النار

( الحا ) حاولت اطفي جروحي بروحي + واقول مع سمر اليالي تروحي
لاشك عيت لاتشافى جروحي + وش صار والله مادري ويش اللي صار


الله الله عليك يا بو سند
صح اللسانك وجل شانك
اوجدت قلبي يا ابو سند بأحرفك


ما اقول الا اراح الله قلبك من كل هم وفرج عنك
وحفظك من كل شر

صح لسانك أخوي محمد

وسلامتك من التوجد والآهات

قصيدة رائعة بكل المقاييس

كعادتك متألق وماتجيب إلا الجزل

الله لايهينك ويعطيك العافية

دخيلك يابوسند لاتفضحنا عند العذارا قولتك انا غلبت عمر وصرت نشال قلوب ماش الشيب فضحنا يابعدي

اقتباس:
المشاركة الأصلية كتبت بواسطة عبدالله المنحول

وعليكم السلام ورحمة الله وبركاته

الله الله عليك يا بو سند
صح اللسانك وجل شانك
اوجدت قلبي يا ابو سند بأحرفك

ما اقول الا اراح الله قلبك من كل هم وفرج عنك
وحفظك من كل شر

عبدالله المنحول

صح الله بدنكـ يابعدي

واشكر لــكـ مروركـ الكريم وكلامــكـ الطيب ياطيب

دمت بحفظ الرحمن

اقتباس:
المشاركة الأصلية كتبت بواسطة علوش الفضلي

صح لسانك أخوي محمد

وسلامتك من التوجد والآهات

قصيدة رائعة بكل المقاييس

كعادتك متألق وماتجيب إلا الجزل

الله لايهينك ويعطيك العافية

يابعدي والله يابو محمد صح بدنـكـ الجزاله انت ساسه وانت رااسه
تسلم يالعزوة الله لايهينك
دمت وداام عزكـ

اقتباس:
المشاركة الأصلية كتبت بواسطة إبن لام الدويسي
دخيلك يابوسند لاتفضحنا عند العذارا قولتك انا غلبت عمر وصرت نشال قلوب ماش الشيب فضحنا يابعدي

احم احم

ماتروح وحدكـ توسط لي والا شقيت القربة على رااسكـ هههه

تحياتي يابعدهم