قصيدة الجموح للشاعر سالم سيار

للشاعر (سالم سيّار)

لعلمك والزمان اللي رماني لك يعلمني
أعز النفس وبصبر الشموخ بدمي أرويها

حسبتك من جروح الوقت والأيام ترفعني
وتحط روحي على كفيك في عز وتداريها

حسبتك راس أكيد الراس للأمجاد يآخذني
ولا فكرت مثلك للوطا عيونه يمشيها

تبي ذلي؟!!.. تهبى لا أنت ولا هالوقت يذللني
عيونك للوطا .. وعيني على القمره أضريها

صحيح الشوق لأوراق الرصيف المر يدفعني
وتفاصيل الحنين هناك في بالي أناديها

ولكن توصل لنشوه غرورك ما تقدرني
تحسبني ارد بأشواق عمري لك وأهدّيها

غريبة كنت احسبنك مع الأيام تعرفني
مع أنك تدري إني لا بغيت أعميها .. أعميها

صحيح إحساسي ضيعني وطيبي حيل بهذلني
ومعك لا ينفع الإحساس والطيبة ومعانيها

واذا في يوم أشواقي تبي عندك توصلني
ومن كفوف الوله تاخذ يديني لك توديها

يمين الله ولا لك غير يمين الله تحلفني
إذا نفسي توصلني لمثلك والله لـ أفنيها

الله عليك طول عمرك ذوق ياشموخه

ابيات في منتهى الروعة

الف شكر لك غاليتي ع لابداع المميز

سلمت يمناك يارب يعطيك الف عافية

ربي لايحرمني منك ولامن ابداعك الدايم

يسعدك ربي

حفظك الله اينما كنتي

فصوووووووووووووووووول

يمين الله ولا لك غير يمين الله تحلفني
إذا نفسي توصلني لمثلك والله لـ أفنيها

أبيااات رااائعه واحسااااس جميل
صح لسان شاعرها..

شاكرها لكم هالحضور العطر يالغوالي

باقات ورودي ......