لغز على طبق من ذهب

المشاركة الأصلية كتبت بواسطة محمد الذرفي

عمر القصيده ماقدر وجها مباشره لشيهانة

لذلك ا سندها عليك وانت غير مطالب برد فهمت ولا نمت

تحياتي عمر

توك تقول يوم نكبتني ليه ماسندتها على ابو صالح هههههههههه

والله ما شفت ردك لو شفته مارديت لكن صار خير

ولا كنت نايم كنت غاطس في بحر الشعر قاعد اكتب الرد لكن إعذرني على القصور

والله إني مبتدي بالشعر

ما شااءلله تباركـ الله

صح لسان الجميع

مبروووكـ محمد حل اللغز .. هذي من عواديكـ

يعطيكـ العافيه عمر

اطيب تحياتي وتقديري

,,’,,

عمر ارجع الى اول رمعه لشيهانة بعد الغز مباشرة لكي تعرف ان فيه واحد مضايق شيهانة

على العموم صح السانك يابو عبدالله

وانا اشهد انك ما قصرت بيض الله وجهك

ابيات راائعه

دمت بلف خير

المشاركة الأصلية كتبت بواسطة محمد الذرفي

عمر ارجع الى اول رمعه لشيهانة بعد الغز مباشرة لكي تعرف ان فيه واحد مضايق شيهانة

على العموم صح السانك يابو عبدالله

وانا اشهد انك ما قصرت بيض الله وجهك

ابيات راائعه

دمت بلف خير

والله ياعمي محمد الذرفي شيهانة ماعرفنا لها

في الرد رقم 4 الصفحه رقم 1 كأن فيه أحد مزعلها من الرد

وفي الرد رقم 54 صفحه 4 تقول إنها حابه توصل لك شئ بخصوص الحل

وأنا كنت متوقع وباصم بالعشره إنها توقعت إن حل اللغز هي (النخوه)

وإذا فيه أحد مزعل شيهانة الفضول

فهو أنا وإعتذرت منها كذا مره والظاهر ما قبلت الإعتذار

لأني ماشفت لإعتذاري إجابه منها

على العموم بنت العم عزيزه وغاليه وهي بكل آمانه شعلة قسم الألغاز

ومن دونها مافيه حماس في حل الألغاز وهي تعرف قدرها مايحتاج نوضح

هذا الصحيح من دون مجامله

على العموم صح بدنك ياعمي محمد الذرفي

ودمتم بود

انت رجل صريح وتعجبني صراحتك وقلبك ابيض اطال الله عمرك

واذا الاخت شيهانة في خاطرها شيء عليك يكفي اعتذارك

اخوي عمر الخطاء في الاصرار على الخطاء وعدم التنازل والاعتذار

مافيه واحد منا مايخطي سوى بقصد او بغير قصد ولكن الاعتذار الاعتذار

عشت مرفوع الراس

ادام الله عليك الصحه والعافيه

مبروك لخوي محمد

وشكراً على الطرح .. ماشي شيهانة جت متأخره

ولا كان حلته .. دمتم بكل خير

حاتميه ....سلامه العايد

شكرا على الاطراء

دمتم بلف خير

المشاركة الأصلية كتبت بواسطة حاتميه

ما شااءلله تباركـ الله

صح لسان الجميع

مبروووكـ محمد حل اللغز .. هذي من عواديكـ

يعطيكـ العافيه عمر

اطيب تحياتي وتقديري

,,’,,

حاتميه قسم بالله إني من الظهر برد عليك

بس احتريك تعدلين البدليه هههههههههههه

وشحونك ومشيناه لك ههههههههه

الحين يوم إنك كاتبه (هذي من عواديكـ) عواديك والا عوايدك ههههههههه


الله يعافيك وصح بدنك

المشاركة الأصلية كتبت بواسطة محمد الذرفي

انت رجل صريح وتعجبني صراحتك وقلبك ابيض اطال الله عمرك

واذا الاخت شيهانة في خاطرها شيء عليك يكفي اعتذارك

اخوي عمر الخطاء في الاصرار على الخطاء وعدم التنازل والاعتذار

مافيه واحد منا مايخطي سوى بقصد او بغير قصد ولكن الاعتذار الاعتذار

عشت مرفوع الراس

ادام الله عليك الصحه والعافيه

عمي محمد الذرفي

يقول الشاعر الكبير / سلطان الهاجري

الصراحه مزعجه وانا صريح *** تزعجك ماتزعجك بقولها

والا أقول مايصح الا الصحيح *** خاطب العالم بقد عقولها


أشكرك يا محمد الذرفي على هذا الإطراء وبيض الله وجهك

بس اللي بيني أنا وشيهانة من باب المزح لاأكثر

وأنا مشكلتي إني حساس بزوووووود هههههههههه

على العموم ماحصل الا كل خير

والموضوع اللي أتوقع زعلت منه شيهانة هو موضوع

في القسم العام بعنوان ( إدخلوا يالذيابه)

وقد قدمت إعتذاري لها ولا قبلت الإعتذار

اللي على سويته والإعتذار وقدمته وتوبه ما عاد امزح معها

دمتم بود

الله الله الله على القصايد ..صح السانك اخوي محمد الذرفي .. صح السانك اخوي عمر المسعر ..

وهذي هى الهقوه فيكم وماخاب ضني .. اخي محمد الذرفي اشكرك من القلب ..وتحية اجلال لسيادتكم ..

على قدر ما فرحت بابياتكم الجزله ..وشهادتي فيها مجروحه ..على قدر ما ضاق خلقي لبعض الردود ...

يا اخي عمر من قال اني زعلانه ومين قال اني ماقبلت العذر ...

انا ما ازعل ابد ..ممكن انصدم اتفاجأ..استغرب من الردود والتعليقات .. ولكن لا اخذ بخاطري ولا احط نيه زعل ..

واسمحولي اخذ اقتباسات وارد عليها .. لاني احس اني مشوشه الحين ... قريت الردود بسرعه لاني لي يومين ما دخلت المنتدى و كنت بالشاليه ..وتفاجات باللى حاصل .. ولازم اوضح موقفي ..لكم جميعااا ..

شيهانة هذا ردي عليكي وانا مسندها على عمر
ياعمر لقيت باصفحه وراء ردك شكيه ...... ماعرفت السبابها يا مسندي ومسبباته


بنت عمي تطلب الفزعه وانا روحي هديه .......لجلها ترخص حياتي قبل ما ترخص حياته


ابشري يابنت عمي لام هم اهل الحميه ..........طيبنا من طيب لام وارثين(ن) من سماته


والله انه مايجيك الضيم دام الروح حيه .........اطلبي وتدللي يا جوهرة لام وغناته


ياعمر يامسندي ضاقت بي الدنيا الفضيه ........وقامة الدنيا وانا ماني بخيص(ن)في لاغاته


من تسبب في تعاست نفس ياربي بريه ...........الله انه لايجازي خير من هذه سواته


اختي شيهانة يعلم الله ان اللي يضايقك يضايقنا


وحنا هنا نكمل بعضنا بعض

صح السانك وعلا شانك .. ويومنك استندتها لعمر كفو منك ومنه وماهو مقصر ..

وانا يجوز اني تضايقت ولكن ماتوصل اني ازعل .. بس حبيت اكون خفيفه عليك بوجودي ..

حتى ما اسبب لغيري ضيق ...وانشهد اننا اهني نكمل بعضنا بعض .. ولكن لابد من مدارات الخواطر ..

عمر القصيده ماقدر وجها مباشره لشيهانة
لذلك ا سندها عليك وانت غير مطالب برد فهمت ولا نمت
تحياتي عمر

من قال ماهو مطالب الا نبي منه القصيده ..:) ما يحلا مقعاد الا فيه كم بيت ارتجالي .. والا اشرايك عمر .

وبعدين يالذرفي بنت العم شيهانة تنتخي بالقصيده تبي توضح حاجه هي تحسب إن حل اللغز هي(النخوه) عاد البنت قاعد تنتخي فيك وهذا المقصود إذا ماخاب ظني .

ههههههههه خاب ضنك ..انا كنت اقصد فيها بنت العم هي العمله ...ولكن الذرفي اذكى .. رمع اللقصيده ..

وهذي ردي على ابياتك يالذرفي من باب المجاراه/

يالذرفي علامك حولت علي القضيه *** وانا خابرك الزمن انت سيد قضاته

ابشر بعزك أرد على حوض المنيه *** دام الزمن عندي مستوي مره وحلاته

ابشر ياعمي بالعطيه ليا قلت الحذيه *** دام الشمري إنتخا انا ملبي إنخواته

ابشر بعزك وبنت العم تبشر بزيه *** والله ماتضامون وراسي في حياته

حسبي عليك يامسببٍ ضيق البنيه *** مايهنا رقادك ودونها ماحسب مماته

حنا يابنت عمي من دونك حميه *** إهتني في حياتك وإشربي سكر نباته

وسلامتكم

والله يالذرفي إني مبتدي بالشعر ولكن هذا ماجادت به القريحه

الله الله صح السانك وكنت تبي تحرمنا من هالابيات .. بركه انك ماشفت رده بالاول ..
عز الله جادت القريحه بالشي الطيب ..

عمر ارجع الى اول رمعه لشيهانة بعد الغز مباشرة لكي تعرف ان فيه واحد مضايق شيهانة

فعلا كلامك صح وانت رماع .. في شي ..

والله ياعمي محمد الذرفي شيهانة ماعرفنا لها

في الرد رقم 4 الصفحه رقم 1 كأن فيه أحد مزعلها من الرد

وفي الرد رقم 54 صفحه 4 تقول إنها حابه توصل لك شئ بخصوص الحل

الحقيقه بردي صفحه 4 فعلا كانت عندي غايه بوصلها لمحمد ..بردي الاول كنت حابه اشارك ومتخوفه ..وجودي يقرفكم .. وهذا الى افهمه محمد ...وعطيتكم كلمه ما راح اشارك باللغز برمعه ثانيه ... مثل ماحصل ..لكن كيف اكتب الا بالطريقه اللى كانت ..

ولكن الطريقه اللى كانت وصارت برضو عطت اللغز حماس ومتعه لا متناهيه .. وقصايد تهز الابدان .. وياعمر ماشاش راسك .. وغطست ببحور الشعر وجبت لنا ابيات .. تنومس الشيهانه ..

وأنا كنت متوقع وباصم بالعشره إنها توقعت إن حل اللغز هي (النخوه)

مالك لواااااااااااااااا :)

وإذا فيه أحد مزعل شيهانة الفضول

فهو أنا وإعتذرت منها كذا مره والظاهر ما قبلت الإعتذار

لأني ماشفت لإعتذاري إجابه منها

انا ارجع واقول ما زعلت لكن تفاجات بردك لي ..استغربت ترد علي انتى ماقريتي الموضوع وبمعنى جايه تتفلسفي ...

وانا احب لما ارد على موضوع تكلم فيه باللى افكر فيه .. واعطي انطباعي .. مو بس شكرا يعطيك العافيه ..

احب اتوسع بالمواضيع ..

وفعلا انا انشغلت ومارديت عليك هناك بالموضوع نفسه .مدري نسيت ..مدرى شاللى صار لي ..بس مو قصة زعل نهائيا ..والمفروض ارد عليك هناك ..

وليه انت حملت نفسك الشي يمكن مو انت المقصود ..:).في شي ثاني ..تسبب بضيقي...

على العموم بنت العم عزيزه وغاليه وهي بكل آمانه شعلة قسم الألغاز

ومن دونها مافيه حماس في حل الألغاز وهي تعرف قدرها مايحتاج نوضح

هذا الصحيح من دون مجامله

الله يعز مقدارك .. شعور متبادل .. وانا والله مادلخت النت محترفه . انما للانبساط ..فما داعي اخلي بقلبي زعل وامشكل نفسي ..ابي ادخل ارفه انا ..استمتع .. استفيد مواضيع ومعلومات ..وبس ..وحنا علاقتنا ببعض مجرد حروف كلمات بس ............فاتمنى تكون حروف رقيقه وكلمات لطيفه ..وفايده تعم على الكل ..

انت تقول مزحك ثقيل .. وانا اقولك قلبي كبير .. وتبقى اخي الصغير .. واتقبل منك المزح ..لا الفهم الغلط ..

انت رجل صريح وتعجبني صراحتك وقلبك ابيض اطال الله عمرك


واذا الاخت شيهانة في خاطرها شيء عليك يكفي اعتذارك


اخوي عمر الخطاء في الاصرار على الخطاء وعدم التنازل والاعتذار


مافيه واحد منا مايخطي سوى بقصد او بغير قصد ولكن الاعتذار الاعتذار


عشت مرفوع الراس

امين يارب ..

خلاص طاح الحطب ...كلامك سليم ميه ميه اخي محمد

الحين الحمد لله اتضحت الرؤيه ... وكل شي تفسر على ماهو عليه ..

وانا الحين ارتحت . واللغز كان ممتع والردود عليه ناهيك عن الاشعار الى زادت جماله ..وحضوره ابتهاج ..

وشكرا للجميع .. والله يجمعنا دوم على الخير .. والسعاده ...