ذيبي اللي في الحشا__سامريه
ذيبي اللي في الحشا يعول عوالي***** منه قلبي طـار لـولا عراويّـه
إنتقض جرحي وانا دالهٍ سالـي***** ولي عيونٍ تسكب الماء رهاويّه
اااه واحراه مـن فقـدة الغالـي ***** والله أكبـر يالعيـون الشقاويّـه
كأني الا مـن تولـوه الأبطالـي ***** صوبوه وطاح بـأرضٍ خلاويّـه
كم تمنـى فزعـةٍ لـه ولانالـي ***** لين صار الموت غايـة مناويّـه
عايشن واشوف بالعيـن قتّالـي ***** ظالـمٍ مافيـه رحمـه وماويّـه
كم هقيت الوصل منها ولا جالي ***** وأخلف الله من خفوقي هقاويّـه
مهرةٍ مـا عنّهـا كـل خيالـي ***** حطهـا الله فتنـةٍ للهـواويّـه
مهرةٍ في مربـط العـز تجتالـي ***** من عرفها القلـب زادت بلاويّـه
سرقلت جسمي عسى مالها والي***** شوشت عقلي وكثـرت هذاويّـه
غاليه عندي وانا عندهـا غالـي ***** والمحبه غصب صارت سماويّـه
كل حـيٍ شـد عـوّد لمنزالـي ***** ياربيع الوصل عينـي سناويّـه
طاوين حبل الرجاء فوق محالي***** مجهدٍ في طويتـه زنـد طاويّـه
مابقى لي غير همٍ بـرى حالـي***** وسجـةٍ للفكـر بيـن النداويّـه
مع التحياتي
اخوكم بوطلال
