راح اسافر

لازم أسافر

هو / ها يعمري ..
آنه يمكن راح اسافر ..

هي / اشلون ..؟
وتگلي ارد اسافر ..؟
يعني معناها تهاجر ..
ويعني معناها تروح ..
ويبقى گلبي لوحده حاير ..

هو / آني تعبني القلق ..
والانتظار ..
وگضت حفنه اسنين صابر ..
يومي هم بهم اخلصه ..
ونفس هذا اليوم باچر ..
ومن بعد ماشفت روحي ..
قررت .. لازم اسافر .. !!

هي / خليتك ابكيفك ..
ردت اشوف اشلون ..
اشو شفتك حبيبي ..
اعله البعد تگدر ..
گدرت الهجر ما اجه وياي الثوب ..
بس لايگ عليك ..
وجايبه امگدر ..
چم مرة آنه گتلك ..
گلبي ما مرتاح ..
وآنه اعرف حبيبي ..
ابگلبك اتغير ..
تجاملني ابچذب ..
واعرفها كلش زين ..
بس مجبورة اصدگ ..خايفه من الشر ..

هو / مرات الجبل .. يتمنى تل ايصير ..
حتى يشوف علوه ايعاين لروحــــــــه ..
ومرات الصخر .. يتمنى خلگ انسان ..
حتى يشوف ياهو اليحمل اجروحــه ..
ومرات السيوف .. اتمل عشگ الرگاب ..
تريد أتصير هيه ارگاب مذبوحـــه ..

للشاعر محمد رحيمه الطائي

طه الكبيسي



صح السانك



ولسان الشاعر




ولاتحرمنا من جديد ابداعك

كلمات شعريه جميله مشكور اخ طه على هذه المشاركه الممتعه ..تحيـــــــــــاتي