وش جمع سحر الغموض بسودها والنرجسية

العنود اللي مساء البارح وانا سيد سهرهـا
اقبلت مثل البياض وودعـت مثـل برديـة
المساء ضج بسوالف عطرها واشعل سفرهـا
والعروق اللي روت مسيرها خضر ونديـة
مانشدت اخت المهاه ليامتى حـزة خدرهـا
حد علمي يوم امد لجيدهـا شرهـة ايديـة
عقدها المغرور تـاة بعطرهـا ولا نحرهـا
ساعة اشرة عليـة وساعـة يشـرة عليـة
كل مالدت على البـال والعقـد يخزرهـا
قلت انا ماني خوي عادتـة ينسـى خويـة
ليتها تدري وعقد الماس لويـدري عذرهـا
اشهد ان الجمرة اللي في الحشاء منى وفيـة
من سرت يمي وانا مالي خيـار الا قدرهـا
كنهـا كـل السنيـن المقبلـة والأوليـة
من غدت همي وانا مالي ديـار الا ديرهـا
جالها بين الظلوع الظاميـة روحـة وجيـة
جادل كل الدروب المعشبة تنبـت بثرهـا
جت تبي جرح وقصيد وخلت الثنتـن ليـة
من يحدثني حديث الثلـج للجمـر بثغرهـا
والله اني كنت ناوي لي بهـاك الجمـر نيـة
من نشد هاك الوساع الخرس عن دنيا حورها
وش جمع سحر الغموض بسودها والنرجسية
الوكاد اني بشط الكحل غنيـت لبحرهـا
ماحلا هوسة هدبهـا والمسـاء والسامريـة
من يعلم مستريح الريح عن فوضى شعرهـا
الحرير اللي كسى هاك المتـون العسجديـة
علموة ان مازح الغرى ونشد عـن قمرهـا
لايخاف ان شاف ظلما وشاف الشمس حية

صح لسانكـــــ اخوي حمد ولسان شاعرهــــا ...


بوح جميل وانتقاء مذهل ....


تقبل مروري ....