ارفع شموخك .. لاتوطي وقارك ... جديد

اعتذر عن انقطاعي المفاجيء .. بس عدنا والحمدلله وان شاء الله نتواصل معاكم ...

في هذا الصرح الشامخ ..

هاذي من الجديد عسى وعل تحوز على رضاكم واعجابكم وتشفع لي غيابي ..

أرفع شموخك لا توطي وقارك=مقدر أشوفك منحني من خضوعك
من بعد جنة حبنا .. جبت نارك=وشويتني .. وانا تحملت جوعك
يا صاحبي والدار ماهي بدارك=اتقوللي يومين وأبطى سبوعك
هذا وأنا يا زين الأوصاف جارك=وشلون تخذلني وانا امشي أبطوعك
الليل يحجب بالثريا نهارك=والصبح يكشف لي تحاليل نوعك
تقول ودي .. يابن خمسان أشارك=في حبك اللي واضح ٍ في طلوعك
ورحبت بك وأفنيت كل المعارك= من شان ماشوفك تكفكف دموعك
واليوم .. انا تارك مدام انت تارك=حب ٍ جمعنا وانطفت به شموعك
مع السلامه .. والحطب من شرارك=ولع ياعله يشتعل في ظلوعك
انت الذي تجفا .. وهذا خيارك=وسديت انا كل المواني بفروعك
هذا قرارك .. وانت حر بقرارك=وباجر أشوفك تشتكي من خضوعك

الله الله

صح لسانك ولاهنت ولاهان احساسك

ابيات جزله
اعجبتي حييل

سلمت يمناااك

يعطيك العافيه،،،

ياهلا بأخوي سعود الخمسان

نرحب بعودتك بعد طول الغياب

قصيدة جميلة

صح لسانك وسلمت يمناك

الشاعر الجزل والعذب / سعود الخمسان
صح الله لسااانك مليون لاوالله الا مليار
قصيدة رااائعة لله درك يابعدي
تحيتي

صح لسانك يا طويل العمر

ما شاء الله تبارك الرحمن

قصيدة رائعة

تقبل تحياتي

اخيك ... فهد بن ال طالب