قصيدة مدح فى بدر بن دنان الظفيرى

السلام عليكم ورحمة الله وبركاتة

أهداء الى الاخ العزيز : بدر دنان المعلومى الظفيرى

يـالـلـه ياحافظ حقوق الدراويــــش
يلى شفيت ايــوب والمـوت غاشى

ادعيك يارب الضعوف المراعيش
ترحم سقيمن من عنا الوقت ناشى

كــــل البشر يالله يمك طورايش
تذرف دمــوع الذل والعـــمر ماشى

عبدك ضعيف الحال حاله خطاريش
خوفه غداء بالروح والشوف طاشـى

سـلام يابـدر العــيال المــــغاويش
وبـنـدر عـزيــز الجاه للطيب حاشى

يابدر يامسقى كبودن معاطيـــش
يـــوم العــفن يابــدر بالمال شاشى

خذيت علم المدح من غير تشويش
سطرت ذكر الجود والجــود عاشـى

انتم سوات الغيث مروى الخشاخيش
عـديت قــول الـحـق من حر جاشى

قالولى اضحك واجعل الهم تشويش
نـودعـلـك الـقـاع الغليظة خشاشى

رجالن على الشدات ماهى خرابيش
كلـن وقــف معية عن الراس هاشى

يالـلـه تـكـفيهم شـرور الـخـفـافـيش
طيـور الـظلام الـلى أدور الـغـشاشى

تـرا الـردى يابـدر عـلـمـه هـواريـش
يـركض مـع الـشيـنات عقله هشاشى

جربت طيب البعض كله بخاشـيـش
مـايــقـبــل الــفـزعـات ياكـود كــاشـى

وبعـض الـعرب يابدر مثل النواعيش
زولـه عـجيـب ونـصف راسـه غـواشـى

ذكرت ابن بوضـان ذيـب المـطاريـش
يافـزعت الـمـضيـوم وقـت الـطشاشــى

رتـبـت قـاف الـراس صـغته مـناقيش
وحـكـيـن بـلـيـا فـود يـحسـب طـواشـى

الله الله

صح لسانك ملاييين ولاهنت

وعسى الاهداء يووصل لصاحبه

ابيات مدح جزله ونابعه من صدق الاحساس


تحياتي,,,

وعليكم السلام ورحمة الله وبركاته

صح لسانك وتسلم الايادي


حمود البرجس