الزول زوله والحلايا حلاياه

بسم الله الرحمن الرحيم
بني عمي , منتدى مبروك انشاء الله ومباركه هالوجيه اللي فيه .

وتقبلوا هالقصة الجميلة عن مثل يتداوله الناس وقليل من يعرف انه جاء من أشعار الفضول وقصصهم الجميله, والمثل هو ( الزول زوله والحلايا حلاياه والفعل ماهو فعل واف الخصايل) , وهذا المثل له قصة مشوقة تبدأ بعدموت احد أشهر فرسان الجزيرة العربيه ألا وهو( وديد بن عروج ) حيث كان من الرجال المعروفين بالشجاعة والكرم وبعد المغازي وقوة الشكيمة , ولكنه قتل رحمه الله في أحدى غزواته على شمر مخلفا ورائه زوجة كانت لاترى في الدنيا رجلا غيره , ولاتقارن به رجلا تسمع عنه الا وكانت الكفة لصالح مناقب زوجها (وديد) . وبعد وفاته تزوجها اخوه( لزام) اللذي كان يشبهه في بعض صفاته ولكنه كان بعيدا عن امور الحرب والقتال على عكس اخيه المتوفى مما هيج فيها مشاعر الحنين الى مناقب (وديد) ورثائه بهذه القصيده الخالده:

يالله ياعايد على كل مضماه ***** يامخضر الارض الهشيم المحايل
أنت الكريم ورحمتك مانسينا***** تروف باللي بقلبه حاميات الملايل
ألوج مثل أيوب من عظم بلواه***** واسهر الى ما يصبح النجم زايل
على حبيب كل ما قلت أبا أنساه***** لذكره تفطني من الهجن حايل
الا نسيته ذكرتني بطرياه ***** شيبا ظهرها من عاصيات الجلايل
يلتاع قلبي كل مذكر سواياه ***** كما يلوع الطير شبك الحبايل
لوا حبيبي سبعة سنين فرقاه ***** عليه أنا قصيت كل الجدايل
لوا حبيبي يتلف الهجن ممشاه ***** الى بغى له نية ما يسايل
لوا حبيبي يسقي الربع من ماه***** دليلهم لا ضيعوه الدلايل
لوا حبيبي يرعب الهجن بغناه ***** من كثر ما يوحيه ليل وقوايل
لوا حبيبي كل قوم تنصاه ***** تلقى ربوعه طيبين القبايل
لوا حبيبي تدفق السمن يمناه ***** ياما ذبح من بين كبش وحايل
لوا حبيبي وافيات سجاياه *****عليه غضات الصبايا غلايل
لوا حبيبي دوم للعفن ماتقاه ***** ياما كلنه مدمجات الفتايل
لوا حبيبي بين ذولا وذولاه***** خلي بوجه معدلين الدبايل
لوا حبيبي طاح يوم الملاقاه***** بنحور غلبا فوق قب السلايل
لوا حبيبي طير شلوى تعشاه***** قطاعة المهجة سناعيس حائل
ياعارفين أوديد ياطول هجراه ***** ياليتني بوديد مابغي بدايل
أخذت أخوه أبي العوض ذاك من ذاه***** والبيت واحد من كبار الحمايل
عندي مثيله واحد كنه اياه ***** عليه من توصيف خلي مثايل
الزول زوله والحلايا حلاياه ***** والفعل ماهو فعل واف الخصايل

وللقصة تكملة وأعذرونا للاطالة ولكن يجب تكملة التاريخ بما يحفظ لهؤلا الرجال والنساء حقوقهم, ويقال انه لما سمع لزام قصيدة زوجته قرر أن يكون مثل سلفه , فغزا وأطال الغزو فما رجع حتى أنضى ركائبه وأتعب رفاقه في الغزو فقالت الزوجة نفسها:

يا بكرتي وشعلم حالك ضعيف أشوف حيلك واني عقب الاردام
عقب الشحم ومهادرك بالمصيف**** ومصاول القعدان مرباعك العام
عقب الأباهر والسنام المنيف***** صرتي كما المفرود من فعل لزام
قطع عليك ديار قوم تخيف ***** تسعين ليلة راكبا الهجن مانام
أقفى عليك من الحسا للقطيف***** لحوران والحرة الا نقرة الشام
وتدمر وصلها وخمها مستخيف***** وشبيح والضاحك وقديمي الأقدام
وأخذ عليك أذواد جو مريف***** وضح كما برق الحباري بالأكوام
يزفها يقداه مشيه هريف***** واقفى عليهن متلف الهجن لا قام
وعادوا على العارض ركيب يهيف***** يتلون بن عروجمقدم بني لام
زهابهم حب القرايا النظيف***** وسلاحهم صنع الفرنجي والاروام
يا ما انقطع مع ساقته من عسيف***** ومن فاطر مشيه عن الجيش قدام
عقب الشحم وملافخه للرديف***** قامت تسندر مثل مبخوص الأقدام
توي هنيت وطاب بالي وكيفي***** من عقب ضيمي صرت في خير وانعام

والان هل نذكر ما قال الزوج لزام ام اطلنا عليكم بما فيه الكفايه ؟؟؟؟؟؟؟؟؟؟؟؟
على العموم العذر على الاطالة مرة اخرى ولكن القصة تستحق ان تذكر كاملة ,
وبعد ذالك قال لزام بن عروج مفاخرا:

أنا ابن عروج وهذي سواتي****** موصل سمان الهجن شيء ما يجنه
خمسين يوما والنضا مقفيات***** مع مثلهن وهن على وجههنه
نمشي النهار وليلنا ما نبات****** كم ذود مصلاح منيس خذنه
من ظن فينا الطيب شافه ثبات****** واللي هقى فينا الردى خاب ضنه

والبيت الاخير يعتبر من الامثال الدارجه في الفخر ايضا, شكرا على وقتكم .

اخوكم أبو متعب

][®][^][®][ابو متعب

هلا والله بطيب الغالي
عزيز وشوفتك منوى
ترى ماجا على بالي اشوف جيتك الحلوى

مشكور على ماكتبتة ويعطيك الف عافية يالغالي

ارق تحية

مشكور علي القصيده الرائعه وأنا خصوصآ صارلي مده أبحث عن هالقصيده الجميله التي لها دلائل ومعاني كثيره......................... ومشكوووووووووووووووووووووووووووووووووووووووور

ابومتعب اتحفنا من هذه القصايد ومشكور طال عمرك

والله انك ذيب يابومتعب ولو تقول لنا المصدر يكون افضل
وللامام سر

تسلم يمناك يا بو متعب
ومشكوووووووووووووووررررررر

شكرا للجميع على مروركم الكريم , ابو مانع يوجد عدة مصادر شفهية ولكن المصدر المنقولة منه القصة هو كتاب : ( حياة البادية في نجد) تأليف / عواض بن ضيف الله العتيبي. الطبعة الاولى سنة1999

وشكرا للجميع.
اخوكم ابو متعب

يعطيك العافيه يابومتعب وشكرا لذكر المصدر

مشكووور اخوي بس عندي استفسار في فيديو للقصيده واذا موجود ياليت تحطونه

القصه موكاامله اخوي واسف علي التدخل بس اول بدايت القصه وزعلة لازم حيل هي القصيده صح بس الاي زعل مرة لازم هي سمنة الذلوول وهي طبعاا راح اوضح كانت الذلول تدك علي البعرين بالليل وتضربها وكان لزام بن عروج يوقلها قومي اربطي الجمل هاج علي الابل وهي كانت متضايقه حيل لي ان الذلول كانت ضعيفهه وزوله اقشر من المغازي وقع قريب من النار وتحاسبه نايم وقصدت فيه وسمعه وزعل وكانت في دقت نجر للعرب اذا في مغازي وعرفو القوم ودرو ان لزام في شي مزعله تنويه مارد من الغز لين ربعه عور رجل الذلول واسف علي الاطاله

القصه موكاامله اخوي واسف علي التدخل بس اول بدايت القصه وزعلة لازم حيل هي القصيده صح بس الاي زعل مرة لازم هي سمنة الذلوول وهي طبعاا راح اوضح كانت الذلول تدك علي البعرين بالليل وتضربها وكان لزام بن عروج يوقلها قومي اربطي الجمل هاج علي الابل وهي كانت متضايقه حيل لي ان الذلول كانت ضعيفهه وزوله اقشر من المغازي وقع قريب من النار وتحاسبه نايم وقصدت فيه وسمعه وزعل وكانت في دقت نجر للعرب اذا في مغازي وعرفو القوم ودرو ان لزام في شي مزعله تنويه مارد من الغز لين ربعه عور رجل الذلول واسف علي الاطاله

ابو متعب


تسلم ع القصه والقصيده


ولاتحرمنا من جديد ابداعك


ودي واحترامي