ياخادم البيتين

بسم الله الرحمن الرحيم
ياسيدي والله تامر علا الراس ياخادم البيتين امرك نطيعه
حميت بيت الله من كل خناس ياسيد السادات شوفك يريعه
حلال حلحيل الصعيبات فراس يخوالفهد والله عهدك شريعه
حنا هل التوحيد لباست الطاس قومن بوقت الضيق عمره تبيعه
خذ العهد يامير مبني علا ساس لن البلد يامير بيدك وديعه
نجدن عروس الدار ياسيد الناس امر نبيع الروح لجله نبيعه
يا زارع الفتنه تبشر بلفلاس مبطي نعرف الدين عندك خديعه
يلي بغيت الشر حاسد ودساس هاذا الوطن ياشين محدن يبيعه
اللي يبيع الذات خاسر وبلاس يلبس ثياب الذل شوفه هزيعه
الكذب في دمه خاسي ونداس شربه شراب السم حاله شنيعه
ياسيدي ماريد قصرن مع الماس ولاريد سياره بركضه سريعه
اريد عزك عالين فوق الادماس ولاني مدور حب ذاتك ذريعه
انته وهبك الله عشقن بلقياس عشقن سكن بروح واصبح صريعه

الشيخ حمود


صح السانك ملايين وتسلم يمينك على القصيدة في ابو متعب اطال الله في عمره

ونطمع بالمزيد

تحياتي

يستأهل كل خير ابو متعب

ربي يحفظه ويطول بعمره

كلمات تشكر عليها وبارك الله فيك

صح لسانك مليووون

يستاهل الكثير ابومتعب

لاهنت

احترامي

يستاهل المدح بو متعب

الله يطول في عمره

صح لسانك أخوي حمود وسلمت يمناك

الله لايهينك

حروف صماء انطقتموها ونسجتم منها لوحة فنيه

وسقيتموها بشهد همس القوافي

ابداع من مبدع رائع

لكم ودنا قبل ردنا

صح لسانك ولاعلا شانك ‏

سلمت يمنآآك وسلم احساسك ولاهنت

وابومتعب يستاهل عسى ربي يطوول بعمره

يعطيك العافيه...

اشكركم جميعا علا الردود والاطراء الجميل