باديٍ قافي

بـاديٍ قــافي عـلى كـيـفي واهــلّه = أنشي القيفان من حـلو المعاني

لـ طــرالي صـاحبي طيـفـه وظـلـه = شـبّت النيران من بين المحاني

واعـذاب القـلب مــن حـب الاخـلـّه = يـاعـساني فـدوةٍ لـه ياعـساني

صاحبي المجمول لي شمسٍ مطلّه = أشـرقت لي نوّرت باقي زماني

تـل قــلبي كـــامـل المــعـلوق تــلّه = داعج العيـنـيـن مـجليّ الثـماني

في وصوفه لـ بـغيت الوصـف دلّه = ماتــوصّــفه القصــايد بالمعاني

بــتــقهـوابه حــلا وادهـل مـحـلّــه = ياعساه يروف بي والعمر فاني

من مصابي شلت انا بالصوت شلّه = صـرت اغـني واتـنـغّم ليـلداني

من مصابي شلت انا بالصوت شلّه = صـرت اغـني واتـنـغّم ليـلداني
ارحبو ابن العم صح لسانك
الله يجبر مصابه وكسر قلبه .عساه يسمع ويحن قلبه .
ماله الا الصبر .

ابن لام الدويسي


صح بدنك سلمك الله



تحيتي وتقديري

عبداللطيف ‏
الفضلي


شاعرنا الفذ القدير صح لساآآنك ملاآآيييييين ولاهنت

اشتقنا لحرف احساسك

عذب الكلمة والشوق يرتسم في لوحة سطورك

كلمات تنساب على القلب وتأصل بسلاسه لاعماقه

كل الحروف لاتوفي مدى اعجابي بما خطه لنا احساسك.....


يعطيك العافيه
ودمت لمن تحب ‏.....

حفظك الرحمن.,,,,,,,,,,,,,,,

شموخ الجموح


لجموح قلمك أنفة يرسم الأحاسيس ويصوغ العبارات فيعطيني أكثر مما أستحق


لابد للقصيدة أن تنتشي ولما لا وقد مررتي عليها فإنها تزهر كأزهار الربيع الذي تمايلت نشوانه بالهتان


لكي مني كل الود

صح لسانك أخوي عبد اللطيف

جزل ومبدع كعادتك

علوش الفضلي


صح بدنك يالغالي وما عليك زود