قصيدة عن الفضول ..

هذه قصيدة عن قبيلة الفضول قالها أحد أبناءها ، وهو من الفضول الذين نزحوا إلى الشام وشمال الجزيرة .. ويوضح أنهم وأهل نجد أبناء عمومة ، ويذكر السبب الذي جعلهم يستمرون في البقاء هناك ، والقصيدة تقول :





يـا ناشـد عنّـا فحنـا فـضـولات""غـزي لنـا جــد وفـضـل ولام ِ

عند البيـان وعنـد عَـدْ الأصـولات""حِنّـا وأهـل ملْهَـم أولاد العـمـام ِ

وعقيل سـادس جـد بالعـد واثبـات""فيه انتصـادف مـع اشيـوخ كـرام ِ

ويوجد لنـا نـاس بتلـك الشمـالات""فـي العَـدْ وياهـم أولاد العـمـام ِ

في السوق والمركز وصوب العمارات""مـن دونهـم شـط عميـق وحـام ِ

حنّـا بنجـد أصلنـا فـي القديمـات""وجينا إلى الأحساء عساهـا السـلام ِ

جينا العيـون بهـا الفضـل شـارات""وعلـي ابـن مقـرن نزلهـا وشـام ِ

شمال عن الأحساء قدر خمس ساعات""تنـوش منهـا طيـبـات الـعـلام ِ

فيها عيون سيح مـا هـن غزيـرات""بالكـف تشـرب لكـنـت ضــام ِ

شفنا بهـا الأنهـار تجـري وجنّـات""ونخيـل حلـوات الثمـر والطعـام ِ

صارت لنا رغبة عشـان ازراعـات""قلنـا بـلاد الخيـر فيهـا المـقـام ِ

قـد استقـام الجـد فيهـا اسنـيـات""مـائـة عــام أو يبيـلـه تـمـام ِ

حصل بهـا دنيـا عظيمـة وخيـرات""أمـوال مـا يحصيهـا عـد لقـلام ِ

رقى بهـا عـودة رفيـع المقامـات""شيـخ كريـم حـاش طيـب المقـام ِ

شيخ كريـم مـا يهـاب الخسـارات""والناس تشهـد لـه بطيـب العـلام ِ

ربعي هل العليا أسـاس الشجاعـات""متسلسليـن مـن خـوال وعـمـام ِ

الفضلي1970
تسلم على القصيده
هذه قصيدة الشاعر عبدالرحمن بن عوده آل بويت الفضلي رحمه الله
امير عشيرة آل بويت
وهو لم ينزح الى الشام ولا شمال الجزيرة
حنّـا بنجـد أصلنـا فـي القديمـات""وجينا إلى الأحساء عساهـا السـلام
الله يعطيك العافيه

الأخ الفضلي 1970

يعطيك العافيه على هالقصيده والى المزيد انشاله


بس لو تسمح لي عندي استفسار بسيط اذا تقدر تساعدني فيه

بيت الشعر اللي انت حاطه توقيع لك

عيب علينا ضيفنا يلحقه عار ## وايمانا لسيوفنا ينهضنا


تقدر تفيدني بس هالبيت من قصيدة منو / وسبب القصيده

ولك منا جزيل الشكر





أخو حوشه / القويماني ...

الحـــر
اشكرك على توضيحك وانا قمت بنقل القصيده فقط من منتدى القبائل العربيه واشكرك على التوضيح مره اخرى وتسلم يالغالي .

اخو حوشه


حياك الله والبيت هو للشاعر على الصقار الفضلي من بلدة القبيسه بالعراق وقصتها ان غزا من شمر ثمانون مردوفه على قبيلة الدليم ولما عرفوا قبيلة الدليم بالغزو الشمري استعدو لهم وعندما اتى الشمامره وجدوا ان القوم بأنتظارهم فزبنو على قرية القبيسه وسكانها من الفضول وحمو الفضول دخيلهم وكتب الشاعر على الصقار الفضلي قصيده طويله وبعثها لشيخ الدليم ولما اتت القصيده للدليم عرفو اصرار الفضول على حماية دخيلهم وانسحبو من البلده وفكو الفضول دخيلهم .

القصيده كامله كانت موجوده عندي ولكن للاسف فقدتها وانشاء الله اذا حصلت عليها سوف انشرها كامله وحفظت البيت المكتوب لشدة اعجابي فيه .



وحياك الله يابن العم

يعطيك العافيه يا الفضلي 1970

انا عارف السالفه وحافظ كم بيت من القصيده بس حبيت اسالك للتأكيد فقط :)

والقصيدة بعثت للشيخ علي السليمان شيخ قبيلة الدليم
ويقول فيها الشاعر


ياراكب من عندنا فوق مذعار *** مامون في قطع الفيافي معنا

يعجل مطافيق القطا حين ماطار *** فوقه غلام يوصل الهرج منا

أمر سديته يا علي مابعد صار *** تبون اخذ ضيوفنا غصب عنا

واللي زبنّا زابن ضلع سنجار*** وان صار حرب دونهم مانتونا

ترى الخوي والضيف والثالث الجار *** مثل الصلاة الفرض وتزيد سنا

وش عذرنا من لابس الخصر وسوار *** اللي يرشن الذوايب بحنا



هذا اللي حافظه واتمنى اني وفقت في نقله






أخو حوشه / القويماني ...

مشكور اخوي اخو حوشه بالضبط هذي بعض الابيات وشكرا لك يالغالي


(ة _ ة) انشاء الله اني نجحت بالامتحان هههههههههه

تحياتي القصيده لابن عوده وهم في قريه المراح بالاحساء وهم اناس مشهورين بالكرم والشجاعه وهم من الغزي من الفضول وكان جدهم الاول معي هو الذي اسر الفارس الشجاع راكان بن حثلين العجمي وسلمه للدوله العثمانيه
حيث كان الفارس بم حثلين ومحموعه من معه يقومون بالاغاره علي القواقل كما كان سائدا في ذلك الوقت
اخوكم بجاد الفضلي

يعطيكم العافية على المشاركات والردود

اخوي / polise

بالنسبة للمعلومة اللي ذكرتها بخصوص الفارس راكان بن حثلين

أرجو ذكر المصدر الذي ذكرت فيه هذه القصة

مشكووووووووووووورين جميعا