يـــا اللــي شريــت البعـــد .. مـــا غـــاب طــــــــاريكـــ

شفتك بعد غيبه .. وحاولت احاكيـك
مهوب من قلبي ولا مـن جراتـه


بغيت اقول / فلان وازريـت اناديـك
وكني سمعت اسمـي معـا الالتفاتـه


فزيت من نومي وانـا اقـول لبيييـك
وآثرك رويا .. فـي منامـي وجاتـه


صفقت كف .. وقلت يا حلم يشوويـك
جددت لي جرح ٍ هنـى فـي مباتـه


يا اللي شريت البعد .. ما غاب طاريك
حتى لو ان البعـد .. سـوى سواتـه


مهوب محزني .. على حاجـةٍ فيـك
إلا إن قلبي شايـف ٍ بـك غناتـه


كن الطيوف تقـول وشحـال غاليـك
وآقول راح .. وما بقـى الا غلاتـه


لو ان ما جانـي مـن الهـم ياتيـك
كان المصلي ما حفـظ وش صلاتـه


مريت دربن .. وصادفتنـي آشبــآهك
واللي قطع كبدي .. حلاتـك حلاتـه


بغيت الخبط من دعايـاه ,, وادعيـك
واسمك وقف بين اللسـان ولهاتـه


وبغيت اجيب العيد وآقول : يرضيـك
فاللي وصاتي له .. وضيّـع وصاتـه


البعد شيّـب خافـق ٍ ميـت فيـك
والى مشى خطوه عثر فـي عصاتـه


مشكلتي / إن قلبـي يحبـك ويغليـك
ومشكلتك / انك شخص عايش حياتـه


كثر الجفا .. نار .. وحطبها تغليييـك
خف الحطب .. لا تزيد نار الشماتـه


إن ما احزنك جرح ٍ برجواه يدعيـك
ما عاد تفرق .. عيشته مـن مماتـه


قلبي وعمري .. كلهـا بيـن اياديـك
العمر فدوه .. لكـن القلـب هاتـه


وإن ما بغيت ترد قلبي مـا اوصيـك
احسن عزاه .. اللـى دريـت بوفاتـه




ممآ رآق لي
ولآمست آحساسي
آتمنــى آن ترتقي لـ/ ذآئقتكمـ




الشاعر .... حمد البريدي المري

مـــســــاك الله بالخير / بنت العم الهاديه

وقصيده بصراحه اعجيتني قريتها خمس مرات ههههه

ومشكوره على النقل الرائع ذوق بصراحه

ودمتي بخير وصحه وعافية

البعد شيّـب خافـق ٍ ميـت فيـك
والى مشى خطوه عثر فـي عصاتـه


مشكلتي / إن قلبـي يحبـك ويغليـك
ومشكلتك / انك شخص عايش حياتـه


كثر الجفا .. نار .. وحطبها تغليييـك
خف الحطب .. لا تزيد نار الشماتـه


ماراق لكي راق لنا يابنت العم

صح لسان الشاعر وسلمت أناملك

دمتي مبدعه كعادتك

يا اللي شريت البعد .. ما غاب طاريك
حتى لو ان البعـد .. سـوى سواتـه


مهوب محزني .. على حاجـةٍ فيـك
إلا إن قلبي شايـف ٍ بـك غناتـه


الله الله الله وش هالقصيده وش هالحب

اعجبني هالبيتين يالهاديه

تسلمين ع القصيده تقبلي مروري

بارك الله فيك اختي العزيزة على النقل الرائع وصح لسانك ولسان الشاعر وذكرتيني في قصيدة اللي مطلعها

عينه تناديني وعيني تناديه
بالصمت كلن استمر بنداته

والله ياذاك اليوم ماني بناسيه
يوم التقيته واهتنيت بلقاته

اسعدنى مروركم الطيب