وش البيت الشعري اللي اذا ضاق صدرك تردده؟

أضحك وأنا أعيش طعن الحزن وشعوره000مشاعرن يتعب الهاجس يعددها

أذوق طـــعـــم الــحــــزن دوره ورا دوره000وتـمـر كـل الـمـواجـع وأتـفـقدها

برق(ن) يجنّب عنك .. لو كان به نور
بالـك تخِيلـه لـو ربيعـك شفاقـة
ترى الرجال بهم .. تمازيح و غـرور
ومن قبل بخصه لا يجي لك عشاقـة

ياكيف حال اللي تقولون سالي
وهو بشر حساس معروف باللين

انتم نظركم ماتعدى ظلالي
ماشفتوا اللي بالخفا يالمعافين

لاتبحثون اللي علي وجرالي
خلوني اسكت دام انا خاطري زين


,’, ,’,

ليت الأماني كل ماجا لها وقت000تحققت لو نصف بعض الأماني

يامل قلبٍ كل مامات همه
دارت دواليب الدهر لين تحييه

أحدٍ يبات وحط راسه بكمه
وأحدٍ تخم النوم عينه وتخطيه


,’, ,’,

لا واهـنـيه واحــدن ماشـكـا الـهــم000ماشدته ضيقه ونفسه بكاها

قلبه صحيحن مارشف ضيم واغتم000سالـي ودنـيـاه الرديه نفاها

كن الزمن مهّره والأقـدآر خيـآل
والحظ قسمة // والنفوس الضحيه

لو كل وآآحد يآخذ اللي على البآل
مآشفت لك ..[ مخلوق ].. يبكي..[ خويه ]..


,’, ,’,

الـدمع حي داخـل العـيـن ياكـم000يذرف على الخدين يطفي ضياها

ماكنه إلا لحظة الموج في اليم000مـن حـرة الضيقة ومن حر داها

حسبي الله علي شعري وحروف القصيد
كـان مانوختلـك ياسليـل الاســود
المحبـه بقلبـي والغـلا لـك يزيـد
والعشم في جنابك والهقـاوي تجـود

انا مداي اكبـر وصـدري شمالـي لاماتغيرنـي نمايـم هـلا العيـب
واضح وعندي صاحبي راس مالـي وان غبت في عيون الاجاويد ماغيب
جربـت ليـن العلـم اثـرا مقالـي حكيم كني عشت ماعاشـه شعيـب
ياصحبتي باقي مـن الليـل تالي يمديني اروي قصة الجـن والذيـب

ياليتني قبل اعرف اركض تعلمت اطيـح ...لاجل اتقي شر عثراتي واعـاف الوطـا

ياليتني قبل اعرف اتعب عرفت استريـح ... عشان ماتوجـع دروبـي ثقيـل الخطـا


,’, ,’,

البارحه يوم ادبح النجم ونيت *** لي زفرة بين الصدر والوريد

اخفيتها صبر وللصبر ماقويت *** ومن حرها عيا الصبر لايفيد

طلبت ربي كل ماقمت صليت *** يغفر ذنوبٍ كل يومٍ تزيد

واعوذ به من خطيتي يوم انا اخطيت *** طلبته الغفران رب العبيد

آآآمين

ابيات مميزه خليفه

شكرا لكـ ...

إليك وإلا لا تشد الركـــائبُ

ومنك وإلا فالمؤمل خائبُ

(( يقول ))

يقول من عدا على راس عالي رجم طويل يدهله كل قرناس

في راس مرجوم عسير المنالي تلعب به الارياح مع كل نسناس

في مهمة قفر من الناس خالي يشتاق له من حس بالقلب هوجاس

قعدت في راسه وحيد لحالي براس الطويل ملابقه تقل حراس

متذكر في مرقبي وش غدالي وصفقت بالكفين ياس على ياس

اخذت اعد ايامها والليالي دنيا تقلب ما عرفنا لها قياس

كم فرقت ما بين غالي وغالي لوشفت منها ربح ترجع للافلاس

يقطعك دنيا ما لها اول وتالي لو اضحكت للغبن تقرع بالاجراس

المستريح اللي من اللهم خالي ما هو بلجات الهواجيس غطاس

ماهوب مثلي مشكلاته جلالي ازريت اسجلهن بحبر وقرطاس

حملي ثقيل وشايلة باحتمالي واصبر على مر الليالي والليالي والاتعاس

وارسي كما ترسي رواس الجبالي ولا يشتكي ضلع عليه القدم داس

يابجاد شب النار وادن الدلالي واحمس لنا يابجاد ما يقعد الراس

ودقه بنجر ياظريف العيالي يجذب لنا ربع على اكوار جلاس

وزله الى منه رقد كل سالي وخله يفوح وقنن الهيل بقياس

وصبه ومده ياكريم السبالي يبعد همومي يوم اشمه بالانفاس

فنجال يغدي ما تصور ببالي وروابع تضرب بها اخماس واسداس

لاخاب ظني بالرفيق الموالي مالي مشاريه على نايد الناس

لعل قصر ما يجيله ظلالي ينهد من عال مبانيه للساس

لاصار ما هو مدهل للرجالي وملجا لمن هو يشكي الضيم والباس

بحسناك يامنشي حقوق الخيالي ياخالق اجناس ويامغني اجناس

تجعل مقره دارس العهد بالي صحصاح دوِّ دارس مابه اوناس

البوم في تالي هدامه يلالي جزاك ياقصر الخنا وكر الادناس

متى تربع دارنا والمفالي وتخضر فياض عقب ما هيب يباس

نشوف فيها الديدحان متوالي مثل الرعاف بخصر مدقوق الالعاس

ونثير على البيدا سوات الزوالي يشرق حماره شرقة الصبغ بالكاس

وتكبر دفوف معبسات الشمارلي ويبين عليهن الشحم مثل الاطعاس