|
مجلس وديد بن عروج الفضلي ـ لـ القصائد المسموعه والمرئيه يشمل منتدى [ عذب الكلام و القصص والالغاز و الخواطر والمدونات الخاصه ] |
|
أدوات الموضوع |
25-02-2005, 03:38 | #16 |
ضيف
|
يا صباح البن والهيل اخوي ابو عساف وباقي الربع ..
استلم طال عمرك .. شف ترا المخلوق لا صار برجا وجه الإله ============= جل شانه ما يخيّب شكر وظنون العبيد انت ابو عساف لا والشور هو شورك تراه ============= انت ابوها وسمّها يومنّ لك رايٍ رشيد |
|
26-02-2005, 04:50 | #18 |
ضيف
|
تسلم يا نور الأفلاج ولك أخوي الغالي رشيد استلم يا مال الغنيمة: دام متوكل وتدري كل عبد وما نواه ====== ما بقى الا يا الكثيري تطلب العلم الوكيد شوركم وهداية الله ، شف رفيقك وش بلاه ======حاسب شهر جلاوي مع عشر مثل الطريد |
|
27-02-2005, 02:38 | #20 |
ضيف
|
وانت سالم يالأفلاج 12
لعيباوي ذوقك الحلو .. يسلملي ذوقك .. اخوي الغالي .. ابو عساف .. استلم طال عمرك .. جاك حرّ وجاك برد امبيّع الخبْل العباه ============== مرةٍ بردٍ يجيك ومرةٍ حرٍ شديد وش تقول الناس للي شب ناره في خلاه ========= شَبّها بالقيض واللي ينقل الهرجه يزيد |
|
27-02-2005, 03:08 | #21 |
ضيف
|
أخوي رشيد : أستأذنك أخي في نقل كامل المحاورة هنا ، نظراً لتوزعها بين صفحتين :
ابو عساف قالوا رْشَيْدَ الْكثيري طب في سوق الصفاه ============== قلت أنا وألفين مرحب بالعقيد ابن العقيد يا الكثيري شوف ابو عساف حمله ما قواه ============== كل ما شاف الثياب البيض وده بالجديد رشيد منهم اللي قالوا إنّ ارشَيد في سوق الصفاه ==== لا تسمّع في هروج الناس يا راع القصيد ويش ابي بالسوق يومنّ العذارَى في حماه ======== ادخله مرتاح واطلع جايبٍ همٍ جديد عادة ابنادم إلى من الله الرازق عطاه ======= يطمع بشيٍ يزيده كل ما شاف المزيد ابو عساف سوقنا الطاروق لا تبعد عن أسواق الرواه ============ وأنت مثلك لو شرى ما يشترى الثوب الزهيد يا الكثيري صاحبك ينشدك عن هم (ن) طواه ============ عين تطمع في البعيد ورجل ما تقوى البعيد رشيد انت لو تشري شريت اللي ثمينٍ مشتراه ============== كل طاروقٍ يسرّك جبت بلحونه نشيد مد رجلينك على قد اللحاف ومستواه ============== والجنيدي ما يطاول منهو برتبة عميد ابو عساف صاحبك همه شمالي وأنت بضلوع السراه =========== جدد العنوان واكتب فيه صندوق البريد الحويّر لو يناطح ليث يا مكثر رغاه =========== ليه تقلبها مناحة والعرب بايام عيد رشيد يا عسى ايّامك يبو عسّاف عيدٍ بالحياه =========== وياعساك اتعيش في جنّة وفي عيشٍ رغيد خلنا نمشي مع اللي يمشي بخط المشاه =========== لا نَعَكْس السير ونسبب حوادث للحديد أبو عساف ما يجيب الله حوادث بيننا باذن الإله ========= وأنت شاعر يا الكثيري ومعك فيه أكبر رصيد مار خبرني ودقق في الكتاب ومحتواه ==========كيف يسقى الما ويطلع منه حبّات الحصيد رشيد انت إلى منّك عرفت البيت واقصى مبتغاه ========== لا تَحَسب اللي صغيرٍ سنّه بعلمه بليد والكثيري ما يحب اللغز لو حله بداه ========== عادته ينظم قصيده دون مجهودٍ جهيد ابو عساف تدري ان الريل يمشي واللي قاعد ما احتراه ============ ثابت(ن) في سكته ما ذكر عن دربه يحيد الكثيري صاحبه في طوع شوره ما عصاه ============ ودام ما يبغا السرى نرجع على يوم (ن) جديد رشيد شف ترا المخلوق لا صار برجا وجه الإله ============= جل شانه ما يخيّب شكر وظنون العبيد انت ابو عساف لا والشور هو شورك تراه ============= انت ابوها وسمّها يومنّ لك رايٍ رشيد أبو عساف دام متوكل وتدري كل عبد وما نواه ====== ما بقى الا يا الكثيري تطلب العلم الوكيد شوركم وهداية الله ، شف رفيقك وش بلاه ======حاسب شهر جلاوي مع عشر مثل الطريد رشيد جاك حر وجاك برد مبيع الخبل العباة مرة برد يجيك ومرة حر شديد وش تقول الناس للي شب ناره في خلاه شبها بالقيض واللي ينقل الهرجة يزيد |
|
27-02-2005, 03:09 | #22 |
ضيف
|
واستلم يا مال الغنيمة :
من يصوم الفرض كله ليه يخر في الصلاة ========ما يصلي العصر لين الشمس في اطراف الجريد ما تقول الناس شي لشيخ ما داس السفاه ============شبها في القيض والله رازقه يا رشيد صيد |
|
28-02-2005, 03:17 | #23 |
ضيف
|
مساك الله بالخير اخوي ابو عساف واستلم طال عمرك :
الله اللي خالق ابنادم ويدري وش خفاه ============= ما عليك من الكلام اللي كثيره ما يفيد اهرجَوا باللي بعد خيره وشرّه قد كفاه ============= كل ما جابوا خبر صاروا هم اكبر مستفيد |
|
01-03-2005, 02:10 | #25 |
ضيف
|
ما دام ما تقدر على الكاش مسموح بالتقصيد والله يرزقك أخوي رشيد استلم يا الغالي : من خلقه الله عطاه من الوهايب ما كفاه =========== ولا بدت شمس النهار بنورها ذاب الجليد راعي الهرجه ضعيف وشايل(ن) داه برداه =========== بيت رمل اللي بناه وما بنى قصرٍ مشيد |
|
01-03-2005, 06:15 | #27 |
ضيف
|
اخوي لعيباوي .. ملح الموضوع مروركم وتواجدكم هنا ..
مساء الخير يابو عساف وسم طال عمرك .. بعضهم ينشدك وعنده قصة البير وغطاه ============= كنّك بمجلاسهم مابين نسوانٍ وغيد ودّك تلبّس حداهم يافتى الجود العباه =========== وتفصَخ شماغه مِنِه وتلبّسه برقع جديد |
|
01-03-2005, 11:32 | #29 |
ضيف
|
صدقت أخوي رشيد ؛ فعلاً لعيباوي مثل الملح
من دونه المنتدى ماله طعم ، بس ترى يجيب الضغط وإلا لا يا لعيباوي استلم أستاذي رشيد طال عمرك في طاعة الله : ذب في وجهه حباله ، اترك مقيط ورشاه ====== والردى ميراث قوم ولو بادوا ما يبيد إحمد الله يا الكثيري يوم مانت من القضاه ===== جنِّب الداب وشجرها وكل شيطان مريد |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|