*مـــــشــــاعــــر الــــصـــور*

ماكل مايسمع مـن النـاس ينقـال
..............اكثر كلام الناس مثـل الدعايـة ..
اسمع ودع تسلم من القيل والقـال
............لوقلت كلمه طوروهـا حكاآآآيـه ..
السر خله من وراء سبعـة اقفـال
..............وراقب مفاتيح الضميـر بعنايـه ..
لاتحسن الظن فـي كـل الاحـوال
.............خلك حريص ولا تسوي كمايـه ..
ماكنت افرق بيـن طيـب وبطـال
............حتى جمعت من التجارب كفايـه ..
ورتني الايـام فـي النـاس عقـال
.............ماتنخدع بين الفتـن والوشايـه ..
ورتني الايام فـي النـاس جهـال
.............دار الزمان ولا لهم بـه درايـه ..
ولقيت في الدنيا تجاريـب وامثـال
.............ميزت فيها صاحبي من عدايـه ..
لقيت بعض الناس صاحب ومحتـال
............يضحك معي ويسبني في قفايـه ..
ولقيت بعض النـاس للهرج نقـال
............تلقاه نقل الهرج عنـده هوايـه ..
بعض البشرشيطان في ثوب وعقال
...........وكـل شيطـان دواه القرآآآيـه ..
هذا دواه البعـد لوعشـت رحـال
...........حيث الردي فرقاه غايـة منايـه ..
دار بها يمسي الفتى خالـي البـال
...........ودي بها لوكان مالقـى عشايـه ..
وإن كان مال الوقت والوقت ميـال
........اصبر على جرحي وادور دوآآآيه ..
واشيل همي في ضميري ولوطـال
...........رجاي في اللي مايخيب رجايـه ..
رب كريـم يبـدل الحـال بالحـال
........ويطيب جرحي من خلاي بخلايه ..
وليا زبنت ازبن على طيـب الفـال
..........اللي يهلي يوم يسمـع ندآآآيـه ..
ارفع مقام النفس عن كـل الانـذال
........واشوف لي ناس على مستوآآآيـه!

أرفعي راسك دقيقه وافهميني
الطفوله كلها حب وصداقه

لا تغيب الشمس وانتي تكرهيني
الفراق المحتمل مر ٍ مذاقه

جبت لك ورده وذبلت في يميني
وكان ما تكفيك ( ورده ) جبت باقه

أحيان من كثر الحكي .. تسكت وماقلت الحكي
تتزاحم بــ راسك طوابير الجمل وتصدها !!

وأحيان من كثر الدمع .. ما عاد يمديك البكي
كل ماتخونك دمعتك تشهق بها .. وتردها !!!

[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]

صباحك من خزامى من نفل من شيح من نوار= بروض من مزون الوسـم الاول طالـت أعشابـه
صباحك فجر عاشق سامر النجمـات بالاشعـار = صباحك مبخرة من عـود جـاوة فاحـت اطيابـه
صباحك صبح خير وجو غيم وهلـت الأمطـار = على ساحـل بحـر حـب الحبايـب هـل سكابـه
صباحك فرحة الشيـخ الكريـم بحضـرة الـزوار = تهلل نـور وجهـه واختلـط مـع سيـل ترحابـه
صباحك فرحة العـود الكبيـر برجعـة ابـن بـار = شرب مر الزمـن والبهذلـة مـن سبـة غيابـه
صباحك فرحة اللي طال صومـه واقبـل الافطـار= نهاره صيف ( آب ) و وصايمٍ للفـرض فـي آبـه
صباحك ضحكة الطفـل الصغيـر بلعبـة المزمـار = ما بين يبعثر ألعابـه , مـا بيـن يرتـب ألعابـه
تمنيت لصباحـك كـل خيـر وجيـت لـك محتـار = على زورق ظنونـي , واليقيـن اشتالـت ركابـه

[/poem]

والله ... لو أزرع ...غلاتــــــك ... بغيــمه
هتـــانهـــا ... زخــات ... من ورد ...
وزهور
.
.
.
انتي التـــــقاء ( النــــور) مع ( نزف ديمه )
تخيــــلي ...!! ( حبـــة مطر ) وسطهــا( نـــور ) !

مع العذاب ابحرت واحترت وامسيت

كني سفينة نوح مما صدفها

خوفني الهاجوس لين استخفيت

يوم ارتهج وصفوح طبله رجفها

في راس مرقاب العنا لين مليت

من عصر لين الشمس كفت طرفها

أخي الغالي أخصائي مختبر

إختي العزيزه شموخ عزي


الله يعطيكم العافيه ماشاء الله عليكم ماخليتوا مجال لأحد

أشكركم من أعماق قلبي وإسمحوا لي لإني مقصر معكم

لكن من اليوم معاكم على طووووووول

دمتم بود

مستحيل أسلوبـك بيـوم يتغيـر
لاضما شفتك ولا شفتك سحـاب

غصن حبك لاهشيم ولاهو اخضر
فيك شوق وفيك رغبـه للغيـاب

أن طلبتك وصل خطواتك تعـذر
وان عطيتك صد كثرت العتـاب

صار همي كل يوم منـك يكبـر
والأمل لامن بنيتـه فيـك خـاب

خلنا نرتاح من اقدر ومـا اقـدر
وحيرة تملى شعـوري بالعـذاب

قلبي اللي لـو بنسيانـك تأخـر
القى لاسلوبك الغامض جـواب

أنس عرفي مرة أبعـد لاتذكـر
خاطري بالحيل من رجواك طاب

مستحيل أسلوبـك بيـوم يتغيـر
لاضما شفتك ولا شفتك سحـاب

!
..!

ناظر عيوني وشوف"الضيق" وش "كبره"
افهم على شان حزني او على شاني

عرفت ليه الجبل ينهد من قطره ؟
ان ماعرفت السبب ارجوك: تنساني ..

غابت الشمس وتلاشى ..واقعي وقت الغـروب
وارتفع كف الـوداع بوجـه صرخاتـي ولاح

إنسدل ثوب الظـلام وكفـن وجيـه الشحـوب
ثم شكى لليل قلـب(ن) بـات يمـه واستـراح

أبتـدي ليـل السهـر بآمـال وانـوي للهروب
وكلها لحظات وأرجع واقعـي وقـت الصبـاح

الدروب اللي خذتنـي كلهـا ..نفـس الـدروب
والجراح بأي وقت وأي سيره هـي جـراح!!

لاغفيت بحضن ليله ..هـي تواسـي بالكـذوب
تبني على سور الحقيقه من عنا حزنـي مـراح

إنتظرت الشمس ترحل وأنتظـر همـي يـذوب
لاحتضن كف الظلام ..وصار يبـدا بالمـزاح

المدامـع أرهقتنـي ..ولاأنـا؟؟ ودي أتــوب
وودي أرسم بسمتي دايم علـى حكـم المبـاح

ودي أصحى من حلومي وداخل ضلوعي رحوب
وكل دمعه من عيوني فارقـت مسـح الوشـاح

ودي أرحل مثل طيـر(ن) مايفكـر بالهبـوب
دام حلمه بالسمـا ..طـار وتوكـل بالجنـاح!

وعن ليالي مزيفه ..برحل ولوحزني شعـوب!
وأصحى على فجر الحقيقه وأطلب الليل السماح

عشانك بس أنا بــ... ارضى
لـكـن .. عشاني لاتكررها

حاتميه

أخصائي مختبر

صالح الدعفس

الله يعطيكم العافيه على هذذا الحظرو المميز

تحياتي

//
\\

أنا يانبضي الطاهر هديتكـ قلبي ودمهـ
تفضل في بساتينهـ تجوّل بهـ بدون حدود

شفاهي تستلذ إسمكـ وترجع ترجع تضمهـ
وهو بين الحنايا والجوارح سيدي موجود

لو الاشعار تكفي توصف المكنون بالكلمهـ
يفجّر أبجدية حرفي لعيونكـ برق ورعود

رياح الحب تعصف كبرياء الضيـم وتلمهـ
ويزهر في مدينة قلبي بستان لزهر وورود

صحا فيني حلم وردي وقمت أختطفهـ وأضمهـ
أثاري عمري الباقي بعمركـ سيدي موعود

قرايب مهما تبعدنا دروب البعد والظلمـهـ
حبايب ماتفرقنـا متاهات الهوى المسـدود

//
\\

إيه راضي [ فيك ] لو زدت العنا
.................... صرت لي , هالناس كلْها وآنا .. صرت :
كل ما أنساك .. ينساني ؟ الهنا
.................... وكل ما ، تنساني " عنّي " ماصبرت
إحنا أصلاً [ إنخلقنا ] لـ بعضنا
.................... منبهر فيني , وأنا فيك | إنبهرت |
إنت ، ماتقدر تحب غيري و " أنا "
.................... لو نويت .. أحب غيرك ما ( قدرت ) !