|
مجلس آل سلطان - لـ التراث والاثار يهتم في التراث القديم بجميع انواعه |
|
أدوات الموضوع |
#1
|
|||||||
|
|||||||
الدخيل عند البدو
انواع الدخلاء عند اغلب القبايل
الاول: الطريد الطريد هو اذا وقع الشر بينك وبين خصيمك ولحقته وفي اثاناء ملاحقه واتجه عل بيت او قطين بدو وهو يستفزع هنا انت يجب عليك تمتنع عنه اذا دخل في حدود البيت وحدود البيت عند البدو هي حذفة عصى من البيت <<< وهذا مقياس المسافه واذا صوبته وهو حول البيت يجيبون رجال نشيط ويعطونه عصى تقارب عصى الراعي ويخلونه يرميها بكل قوته واذا تعدت المكان اللي صوبت فيها الطريد يركبك الحق ويستقضي منك راعي البيت على حسب العرف اذا ذبحته الرد يكون مربع يعني القضا اربعه الا اذا جا فيها صلحه واذا هي طقة عصى وتصويب لها غرم مال او صلح وهذا طريقة دخلته حلوه اذا كان راعي البيت غايب يدخل البيت وانت تلحقه ويقومن الحريم بطرح بيت الشعر عليه كنايه على انه صار من حرمة البيت اما اذا اصابتك له كانت خارج حدود حذفة العصا فهو ما زبن وخصومته معك تبقى بينكم الثاني : المنيع المنيع هو اذا وقعت غزوه او معركه وقط خصمك سلاحه او صوبته وفقد قدرته على القتال هنا يستمنع عليك ولا يبقى له عندك الا حق الدخيل اللي هو الحمايه والعلاج اذا لزم وعقبها تطلقه بدون لا تضره والثالث والاخير واللي له انواع هو دخيل البيت او طريح البيت اللي يزبن عليك ويطيح في بيتك اولها دخيلك وانت خصمه هذا النوع من ابرز معاني الشهامه عند اهل الباديه يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه وثانيها دخيل" واقف شليل" وهذا اذا صارت الخصمه بين عيال عمك وانت طرف ثالث يعني ما تقدر تميل مع احد ضد احد في هذه الحاله تدخله" واقف شليل " وهو انك تدخله بوجهك وترافقه الى ان توصله ناس يزبنونه واذا وصل ينتهي دورك والثالث طريح البيت وهذا النوع اشدها وطولها مده واكبرها قدر وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه يبي احد يتوسط ويسوق جاهه وماله ويحاول يحل الموضوع بالحكمه وتراضي او بلقضاء واذا صار الدخيل مظلوم وجايه جور ينصره وتصل للحروب وهذي القوانين وضعت عشان لا تكون الدعوى متروكه لثورة الغضب وتصير اخطاء وتعالج باخطاء اكبر ولم توضع لحماية الجاني بقدر ما وضعت لكي تهدء النفوس ويجدون الفرصه والوقت للحل الذي يكون عادل . دمتم بود الصقررر |
12-04-2009, 07:07 | #2 |
ضيف
|
رد : الدخيل عند البدو
هذا النوع من ابرز معاني الشهامه عند اهل الباديه
يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه ......الله الله الله من جد قمة الشهامه والرجوله يعطيك ربي العافيه يالصقرررر |
|
13-04-2009, 02:23 | #3 | |
ضيف
|
رد : الدخيل عند البدو
اقتباس:
مشكور على مرورك الجميل دمت بود |
|
|
13-04-2009, 01:38 | #6 |
VIP
|
رد : الدخيل عند البدو
موضوع جميل كما تفضلت عمي الصقرر هذة اسلوم العرب والعوايد بأيامهم ..
طرح جميل ورائع باركـــ الله فيكــ سد خطاكــ علي الدرب الصحيح .. |
|
13-04-2009, 01:49 | #7 |
الإدارة
|
رد : الدخيل عند البدو
يعطيك العافية يااخوي الصقررر على الموضوع الاكثر من رائع تسلم الايادي ياالغالي |
|
14-04-2009, 01:17 | #9 |
ضيف
|
رد : الدخيل عند البدو
السلام عليكم اخوي الصقر الله يعطيك الف الف الف الف الف عافيه على الكلام الطيب من رجل طيب مثلك موضوعك شيق وتستحق علي علامه 100 في 100 وشكران الك
|
|
15-04-2009, 01:48 | #10 |
ضيف
|
رد : الدخيل عند البدو
|
|
15-04-2009, 01:49 | #11 |
ضيف
|
رد : الدخيل عند البدو
|
|
15-04-2009, 01:51 | #12 |
ضيف
|
رد : الدخيل عند البدو
|
|
15-04-2009, 01:52 | #13 |
ضيف
|
رد : الدخيل عند البدو
|
|
15-04-2009, 01:53 | #14 |
ضيف
|
رد : الدخيل عند البدو
|
|
15-04-2009, 01:55 | #15 | |
ضيف
|
رد : الدخيل عند البدو
اقتباس:
الله يعافيك ويسلمك ويفكك من كل شر مشكور على مرورك الجميل ,,, وكلامك الاجمل لاعدمناك |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|