قالوا الامل قلت الامل مثل السراب اللي يبين ..قلت للعهد وانا على المطلاع وسط المنحدر .

	يمر يوم وكل يوم يمر أحس أني حزين .. أمسي على ضيقة صدر وأصبح على ضيقة صدر .. قالوا الفرج عقب الصبر قلت الصبر همٍ دفين .. قالوا الوفي طبعه وفي قلت الزمن كله غدر .. قالوا الصدف قلت الصدف ماعشمت طول السنين .. قالوا القدر قلت القدر من اللي يردك يا قدر .. قالوا الامل قلت الامل مثل السراب اللي يبين .. قلت للعهد وانا على المطلاع وسط المنحدر .. قالوا تشوفه قلت اشوفه في حلوم النايمين .. اصحى على شوفه وانا خدران واصحى واخدر .. قالوا وش اللي تذكره اذا تناولك الحنين .. قلت التنهاته اذا طروه الدمع يحدر .. قالوا يخونك قلت انا ياكرهني للخاينين .. لو خاني ضاع الوفا في الناس الا ماندر .. قالوا نسيته قلت واللي لحن المسلم جبين .. ماانساه كود الناس تنسى الليل ومطلاع البدر .. قالوا كم اللي راح من عمره شقى قلت سنتين .. عامين وانا اغرب الخطوات والقلب يحدر .. قالوا الكدر ويش الكدر قلت الكدر مثل السجين .. ان عاش في سجنه كدر واذا طلع عاش الكدر .. قالوا سواتك وش يسوي قلت بين الحالتين .. اما توفى من غبن والا قضى عمره هدر .. .

اخــوكــمـ : ريـــان آل مسعــر

الله يعطيك العاافيه أخي ريان

وصح السانك ،،، بإنتظار جديدك

يعطيك العافية يااخوي

ريان،،

أبيات رائعة وعاطفة جياشة

صح لسانك أخوي ريان

الله يعطيك العافية وبانتظار جديدك