|
مجلس آل غزي ـ العام يشمل منتدى [ الترحيب و الاخبار الاقتصادية و المناقشات العامة و المناسبات العامه والمسابقات الثقافية ] |
|
أدوات الموضوع |
#1
|
|||||||
|
|||||||
لقاء رمضـــــــاني مع حضرة جنابي ( خالد الكثيري )
السلام عليكم ورحمة الله وبركاته ضيف لقائنا اليوم شخص غــير عادي نعم غـيــر عاااادي انه يجمع بين الظرافه والحكمه ورووعة المبادره والسبق للمكارم اتحفنا بحضوره الجميل ومواضيعه الشيقه والهادفه والمنوعه قدم الينا في هذا الموضوع كـ قدوم المطر السلام عليكم ورحمة الله وبركاته فرحنا بانضمامه ورحبنا كل الترحيب .. خصوصاً اطيب قلب كريييم كعادته 7 7 7 اقتباس:
وكانت معالم الرجوله والاخلاق العاليه واضحه من الوهله الاولى في ضيفنا من مواضيعه : كثــــران وفضـــــول ومغـــــــــيره ترا حنـــااا...... المعروف لايضيع قصة راعي الجفيفاء والعجاجــي الكثيري الثبـــــــــــــــات الله يحســـــــن خاتمتنا رجــل يهــــــدي زوجته هديه غــــــــــــــريه مررررره رحـله ترفيهيـــه لأعضــــاء المنتدى والجميع يشارك...... بسم الله الرحمن الرحيم 1- ماهو شعورك اول ما يُعلن دخول شهر رمضان غير الفرح <- ترسل لاحبابك مسجات مثلاً .. والله اول مايعلن رمضان اروح اشتري بضاعه للمحل لانه موسم وغير كذا اكون في سعاده لاننا مانجتمع مع بعضنا الات في رمضان يكون الفطور علي واحد طبعآ حنا وعماني اربع بيوت رجال وحريم نجتمع 2-متى بدأت صوم شهر رمضان المبارك ( يعني كم كان عمرك).. وهل صمت أول يوم كاملا ؟ والله صمت وانا صغير وذكر كان وقتها فيه دراسه رمضان واذا رجعت للبيت لقيت الوالده مصلحه لي غدا انا وخواني الصغار نتغدا ونكمل صوم الي المغرب هذي السنه الاولي اما السنه الثانيه صمته كامل ولا افطرت ولا يوم وكان عمري 14 او 13 اعرف بتقولون شايب لاكن هذي الحقيقه 3-أكلة تحبها برمضان من الحلو والمالح .. واكله ثانيه لا تستغنى عنها في الفطور والسحور والله انا احب القيمات والسمبوسه اللي فيها بيض والسحور اكيد كبسه تكبس علي القلب اما اللي مانستغني عنه في الفطور فهو الدخن يعني الخواضه 4- موقف طريف حدث لك برمضان كثيره من ضمنها لقيت امي تاكل في المطبخ الظهر قلت خليني اكل معك والا بعلم ابوي انك مفطره برمضاان والله حقيقه ههههههههههههههههههههههههه 5-برنامجك اليومي برمضان برنامجي في رمضان الله يتوب علينا سهر ونوم أقوم من النوم الساعه 2 الظهر او 3 اصلي الظهر واحيانآآ اصلي الظهر والعصر سوا وبعدها اقرا قرآن الي صلاة المغرب وبعد الفطور نجلس نتابع طاس ماطاش والبرامج التلفزيونيه بعدها نطلع نصلي العشاء والتراويح وطلع للمحل اجلس فيه الي الساعه 12 وطلع بعدها الي الاستراحه ولا ارجع الا الساعه 3ونص لسحور ويتكرر البرنامج نفسه 6-تصرفات تنبذها خلال شهر رمضانهل سبق لك صيام رمضان بعيدا عن الأهل؟ التصرفات اللي اكرها في رمضان الاسراف الزائد والحمدلله ماعمري صمت بعيد عن الأهل 7-أكثر شي يتعبك في رمضان؟ الدواااااااااااااااااااااااام والله مالك خلق تداوم وانت صايم مع العلم مافيه ضضغط بالدوام ولا مراجعين بس القومه من النوم وطلعه ثقيله 8-متى وقت الذروه لديك خلال هذا الشهر الكريم؟ ( الوقت اللي تكون فيه رايق ومتفرغ ) اكيد بعد الساعه 12 ليلآ 9-مائدة إفطار لديك حدد خمسة أعضاء تدعوهم إليها والله كل الاعضاء واذا كان لابد تحديد ابو صالح ابن لام الدويسي عمر المســــعر خالد دريع اخصائي مختبر حمد القويماني جمبازي 10-مائدة سحور حدد ثلاث أعضاء غير المدعوين على الفطور تدعيهم إليها من الأعضاء؟ عبدالاله الدعفس صالح الدعفس سلامه حفيد الفايز محمــــــــد الذرفــــي 11-هل يزداد أم ينقص وزنك خلال رمضان ؟ الغريب انــي في رمضاااان اكون دوووووب ويزيد وزني 12- طبق رمضاني تفضله .. وطبق آخر لا تستغني عنه على سفرة الافطار والسحور جاوبت علي السؤال من قبل 13-ليلة العيد هل تنام ؟ مستحيل انام الا الظهر يوم العيد 14-يوم العيد كيف تقضيه؟ اعايد الناس اروح الف علي الربع والجماعه اعايدهم وناكل عيدنا في الشارع حنا وجيرانا كل بيت يطلع صحن ذبيحه من بيته ونجتمع في الشارع وان شاء الله لصور الموقف السنه هذي ومنزله في منتدانا الغالي 15-أغلى وأكبر عيدية حصلت عليها؟ والله مافيه 16- ثلاث رسائل توجهها لمن من الأعضاء ا- رسالة شكر .. ب- رسالة عتب ج- رسالة صفح وسماح رسالة شكر اشكر ابو صالح علي حضوره زواجي اللي الي الان ماأدري كيف ارد معروفه ولو تسمحونلي نزلت صورهلي اناوبوصالح يوم الزواج رسالة عتب والله مافيه رسالة صف وسماح اسامح كل من اخطا علي لوجه الله 17-هل انت من الناس اللي تعصب وانت صايم ..؟ وليت تذكر موقف انا وانا مفطر عصبي كيف اذا صرت صايم بصراحه ماأذكر اي موقف 18-أيهما تختار / ا-النوم المبكر أم السهر؟ السهــــــــــــــر ب-الانترنت أم مشاهدة التلفزيون؟ التلفزيون ج-الإجتماع مع الأهل والأصحاب أم الجلوس لوحدك؟ الاجتماع مع الاهل والأصحاب د-حضور أمسية شعرية أم مباراة في كرة القدم؟ حضور امسيه شعريه 19-هل لك أقارب في المنتدى ؟ اذا ممكن تذكر لنا اسمه وصلة القرابه كل اللي فالمنتدى اقاربي نوع القرابه ابناااااااااء عمـــــــــي وتاج علي راسي 20-كلمة تقولها للصائمين ؟ صومو تصحو ههههه اخيراً ماذا يعني لك فيمتو.. لا يعنيلي شي لاني لااحبه احب التووووووت الاصلي والبرتقال مخلوطين في بعض ملاحظه اجاباتي عفويه وتلقائيه لااحد يشره علي فيها وكل عام وبني لام في صحه وعافي |
24-08-2009, 04:51 | #2 |
VIP
|
رد : لقاء رمضــــــــــاني مع حضرة جنابي
ارحبووكل عام وانت واهلك بخير وكل مايقول المليح مليح والسموحه مغير في سيرتك وانت غايب ولو ان عزوه ابوها تهاوشنا تقول حدكم كلش الا الخال .
|
|
24-08-2009, 05:26 | #3 | |
ضيف
|
رد : لقاء رمضــــــــــاني مع حضرة جنابي
اييييه ابو صالح اول الحاضرين
شعلييه معزوم ع الفطوور حياك خالد هلا والله ومسهلا ابن عمي حضووور متألق كالعاده اقتباس:
ما شاءالله علييك ماقصرت عسى ماتعبت بس يعطيك العافيه حوار جميل وتلقائيه اجمل من حضرة جنباك بس ترى المدعويين قلنا خمسه فطور وثلاثه سحور وانت خمست بهم كلهم ههههههه لكن غريبه ماتحب الفيمتو ..؟ مثل خالد العطار وانت خالد واعرف واحد اسمه خالد ما يحبه وش السالفه .. اي واحد يبي يوفر فيمتو يسمي ولده خالد هههههههههه بالنسبه للصور خذ راحتك <- وش دخلك لا جد اذا تبي نزل الموضوع كامل بقسم المناسبات ونثبته بعد كم عندنا من خالد الله يوفقك ويحفظ الاهل ويجمع الشمل دووم على خير جزيل الشكر والامتناااان |
|
|
24-08-2009, 05:47 | #4 |
VIP
|
رد : لقاء رمضــــــــــاني مع حضرة جنابي
برقيه عاجله حضره المعده علشان نستمتع بالفطور ونرضي الجميع المفروض بس ثلاث لقاءات في الاسبوع وبعدين وين مقد مه خالد الله يعينك من عزوه
|
|
24-08-2009, 05:51 | #5 |
الإدارة
|
رد : لقاء رمضــــــــــاني مع حضرة جنابي
لقاء ممتع شكرا ياخالد على الاجابات العفوية
وبانتظار الاضاء الباقيين بالاجوبة على هذه الاسئلة والشكر الى الاخت حاتميه لى هذا الطرح |
|
24-08-2009, 05:54 | #6 |
ضيف
|
رد : لقاء رمضــــــــــاني مع حضرة جنابي
هلا اطيب قلب
يستااااهل خلووود شسوي فاجئنا المعرس يالله لحقت الحين احط السلام والفانوس وبعد الفطور ان شااءلله احلااااا مقدمه بس وين لقائك ..؟ وعلمني قبل اجهز له مو بعدين تقول ويين مقدمتي هههههه ،،، العفو راعي العليا من ذوقك |
|
24-08-2009, 06:27 | #7 |
ضيف
|
رد : لقاء رمضــــــــــاني مع حضرة جنابي
الله يبقيك ابو صالح ماتقصر
حاتميه مشكوووووره وانا اخوك علي هالموضوع الممتع ابو صالح عزوة عزيمتها لحالها يخليكم ربي مادريت ان المدعوين ثلاثه ياشيين العجله انا دايم عجل بس زيادة الخير خيرين |
|
25-08-2009, 09:07 | #10 |
|
رد : لقاء رمضـــــــاني مع حضرة جنابي ( خالد الكثيري )
مراحب بالملازم خالد الكثيري
مشكور على الضايفة ومكثور الخير ياولد العم لقاء كان أحلى من رائع |
|
25-08-2009, 11:11 | #11 |
ضيف
|
رد : لقاء رمضـــــــاني مع حضرة جنابي ( خالد الكثيري )
ارحب يا ولد العم
امتاع واستمتاع بهذا القاء الشيق كلمات جميله وسلسه تجبر القارء على المتابعه تحياتي وتقديري لشخصك الكريم والشكر موصول للحاتميه الراااااااائعه دمتم بكل خير 0000 |
|
30-08-2009, 03:25 | #15 | |||||||||
ضيف
|
رد : لقاء رمضـــــــاني مع حضرة جنابي ( خالد الكثيري )
|
|||||||||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|