|
مجلس آل سلطان - لـ التراث والاثار يهتم في التراث القديم بجميع انواعه |
|
أدوات الموضوع |
#1
|
|||||||
|
|||||||
فن الجربعه ..!
هذا جربوع تعريف قبل نبدا للي ما قد شافه بسم الله ...الجربعه !! والمجربعين !! الجربعه ؟؟ نسبة إلى طرد الجرابيع يقال يجربع الرجل أي يقوم بطرد الجرابيع .. والجربعه فن لا يجيده إلا من تتوفر به بعض الصفات وذالك مثل : ----------- : أولاً / مهارة القفز من صندوق الددسن والددسن تمشي ثانياً / طول السيقان والرشاقه والسرعه يعني الدب مثلاً يمسك أرضه ابرك له ثالثاً / الرساوة / أي انه من حيث ما يفرفر الجربوع يكون معه ,, يعني ما يقلب مع اللفه (مواصفات ألمانية) ومن أهم الشروط في الجربعه ما يلي --------------: أولاً / أن يكون السواق متمرس على الطردي وان يكون نظره قوي بحيث ان الجربوع ما يفلت منه للبته طبعاً نفس الوضع لمساعد السواق لازم يكون مفتح عيونه ثانياً / أن يجيد المجربع مسك طرف الثوب بفمه لأنه لو فك الثوب من فمه وهو مسرع عزتيله بيتكرفس ويطير الجربوع من يده أو انك تربط ثوبك زين على وسطك بس اهم شي لا تجربع وانت مجنــتل ثالثاً / أن يكون المجربع غشيم يعني حط الجربوع نصب أعينك ولا يمنعك أي شي عنه حتى لو توطيت خويــك فهذه مصادمات عادية يعتبرها المجربعون ضريبة الجربعه رابعاً / أن يكون هناك تنافس بين المجربعين يعني الطيب من يطرح أكبر عدد من الجرابيع خامساً / إذا أصبح المجربع في نزال خاص مع الجربوع أي سنّد الجربوع وسنّد معه المجربع على الباقين أن يتحلوا بالروح الرياضيه ويتركوا زميلهم وإذا غلبه الجربوع يعاقب المجربع وذالك بأن يحرم نوبتين ما يطــــرد ] والطريقة المثلى لمسك الجربوع من أقصر الطرق هي كالتالي : ---------------: المرحلة الأولى : هذه المرحله تعتمد على السواق يعني اذا شاف الجربوع يلحقه لين يحطه على نور السيارة ثم يولع ويطفي يولع ويطفي طبعاً بعدها الجربوع بيوقف فجأه لأنه انعمى وما عاد يشوف المرحلة الثانية : اللي عليهم النوبه يفزون ويطمرون من الصندوق طبعاً كل واحد معه جريد نخل واحد يجي على طرف النور من يمين والثاني من يسار المرحلة الثالثه : عندما يحس الجربوع أن هناك من يحاول الاقتراب منه سيطلق ساقيه للريح ويولي بالفرار وعندها تبدأ المهمة الصعبه وعلى السواق في هذه المرحله الإنتباه للمجربعين لأنه وقتها يمكن ما يشوف الجربوع ويعتمد على تحركاتهم هوايه عجيبه هالجربعه ما تسوى تعبها والا شرايكم |
22-08-2007, 09:34 | #3 |
ضيف
|
رد : فن الجربعه ..!
هلا خالد الله يسلمك بعد كدا ..؟ كلن ورغبته
انا اشوف اخواني يجيبونهم لنا نتفرج عليهم شكلهم حلو ينططون كانهم كناقر نضحك عليهم شوي ونخاف شوي ههههه بعدين يرجعونهم طبعا حنا نكون بالبر اوالمزرعه قريب بيتهم يعني هههههه و بعضهم ياكلونهم اشوف عبد المجيد يقول بموضوع طعمهم حلو لا يفوتكم .. اذا مر من هنا لازم يعطينا فكره وكيف كله مشوي والا مقلي والف شكر خالد لحضورك الجميل .. بس ماقلت لنا بمصر فيه جرابيع والا لاء |
|
22-08-2007, 10:05 | #6 |
ضيف
|
رد : فن الجربعه ..!
العفو ابراهيم ..بس تراهم ما يحسون بالتعب على ما قال من بغى الدح ماقال اح ههههه
وما اعتقد فيه جربوع يمرض كلهم مشاءالله مااا انشط منهم ( : و شكرا ع الطله الحلوه |
|
22-08-2007, 10:25 | #7 | |
ضيف
|
رد : فن الجربعه ..!
اقتباس:
احنا هنا بنطارد وراهم وانتم هناك بتقتلوهم وترموهم في المدري ايه ؟؟؟ اما امركو عجيب بصحيح هههههه |
|
|
22-08-2007, 12:47 | #9 |
ضيف
|
رد : فن الجربعه ..!
هلا سهل يحلي ايامك يارب زين عجبتك جربعتنا
اما ذا الغشمان ما ينسكت عليهم !! لااازم يشوفون الموضوع والصور درس مجاني اجل وشوله حاطته ههههه شكرا ع المرور الحلو |
|
22-08-2007, 01:52 | #12 |
ضيف
|
رد : فن الجربعه ..!
حـاتـمـيـة،،،ماشا الله عليك شرح وافي عن اصطياد الجرابيع
تصدقين عاد كل اللي كتبتيه أقدر أسويه لكن ماحبيت الشغلة يعني إذا طلعنا للبر العيال ينطون ورا ذا الجرابيع وأن متكي في الخيمة وإذا صادوهم أطلقتهم وهم مايدرون هههههههههههههههههههههه يعطيك العافية حاتمية ودمت بخير |
|
22-08-2007, 01:55 | #13 |
ضيف
|
رد : فن الجربعه ..!
وقفه مع الجربعه
اخواني بالمناسبه احذركم من الانجراف ورا الجرابيع وتنسون انفسكم لان خطر لا سمح الله اثناء المتعه والوناسه وراها تتسبب لكم بالضياع في البر اثناء اللحاق بها حصل بعائلتي اكثر من عشرة انفار ضاعو بسببها راحو بالليل ما شفناهم الا بكره الظهر ومعهم من كل الاعمار بددسن واحد هم انبسطو بالاول لكن تاليتها سيارات الامن تدورهم وطيارة الدفاع المدني تدور .. والحمدلله ع السلامه ومن بعدها قلنا خلاص معد حنا شايفين كناقر صغار لكن ما تمينا اسبوع الا وهي تنطط عندنا هههههه لذلك جرى التنويه .. |
|
22-08-2007, 02:02 | #15 |
ضيف
|
رد : فن الجربعه ..!
مرحبا علوش شكرا ع الشهاده الحلوه بالموضوع
تعجبني انت اتكي بس وهم خلهم يطاردون ههههه بس ما قلت لنا اذا درو عنك انك طالقهم وش يسوون لك هااا اعترف احسن لك هههههه اسعدني المرور والتعليق الحلو |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|