مــــــــــــدح الـــــــرجـــــــــــــــــــال !!!!

اختـار سمحـات الـدروب النظيفـة = اللي غسلها رايـح المـزن برشـاش

يمشونهـا قـوم النفـوس الشريـفـة = اللي ضمايرهـم نقيـة كمـا الشـاش

ابيوتهـم مثـل الحصـون المنيـفـة = ما هي لطير البوم غيران واعشـاش

واحلالهـم للضيـف دايـم مريـفـه = لو رجلهم يسرح ويضوي على مـاش

والرجـل منهـم مـا يخلـي رديفـه = إن ما ت مثله مات وان عاش له عاش

وان مات منهم رجـل عقـب خليفـه = يطعن نحور القـوم ويـرد الادبـاش

يعرف هدف روحه ويعـرف وليفـه = ما يعرف الخونـة ولا هـو بغشـاش

وليـا رزقـه الله بعـذراء عفيـفـة = ايحطها مـا بيـن نونـه والارمـاش

ماهو على الخفـرات يستـل سيفـه = وان طالعوا فيـه الرياجيـل ينحـاش

حلـو النبـا سمـح المحيـا لضيفـه = ويصير له خـادم مسخـر وفـراش

وان مـد مـا مـدت يمينـه قصيفـة = مدت يمينـه تبهـر الخبـل والـلاش

واليا هـرج تلقـى علومـه طريفـة = ما هـو لهفـوات المناعيـر منقـاش

وان شبت النيـران مـا هـو بليفـة = في ساعة الكربـة سـواي ورشـاش

سده بعيد ولا أحـد يعـرف غريفـه = ولا هو لعرض المكرم العرض نهاش

والشوك في جنبـه سـوات القطيفـة = إن كان ما له بيت مامـون وافـراش

ما يرتكي فـوق الخبـول الضعيفـة = اللـي ليـا حركتهـا قدرهـا طـاش

وان جـا نهـار كـل قـرم يعيـفـه = ما هو ليا ثارت على القـوم رمـاش

الكذب يعرف بيـن الأجـواد زيفـه = والصدق مثل السيف صاطي وحشاش

وصحيفتة يـا طيبهـا مـن صحيفـة = ولهـا مـن العقـال كاتـب ونقـاش

حـاز المراجـل والمراجـل كليفـة = الا على اللي كل مـا رامهـا هـاش

وان شاف له من جانب القـوم خيفـة = تلقـاه للخيفـة مهـاجـم وبـطـاش

الصدق والمعـروف والطيـب كيفـه = ويغبش لها مع طلعة الفجـر مغبـاش

للحمل مـا تلقـى جنوبـه صخيفـة = حوله بروق تعمـي العيـن وافـلاش

يصبر على جرحـه ويمسـح نزيفـه = طبه بشبه خير مـن طـب الاحبـاش

ولا هو كمـا سبـع سنونـه ضعيفـة = دايـم يلحسهـا وللعظـم عــراش

وان شاف له في غيبة النـاس شيفـة = ما هو بخبل لاخضر العـود قـراش

دنيـاه لـن صـارت ذلـول عسيفـة = طوع علهـيا كـل عاصـي ونفـاش

وان كان قفـت مـا عليهـا حسيفـة = ولا هو ورا هوج المعاصير قشـاش

وان جاع ما وقع كمـا طيـر جيفـة = وان عري ما يلبس سماليل وأخيـاش

الله يبيض وجهك أخوي صالح
لاهنت وتشكر
وقصيده جميله فيها من المدح الرائع
تقبل مروري واعجابي

اخي صالح الدعفس



تسلم على الطرح الطيب




تقبل مروري

عبدالالة ابن عموووو ..


وبيض الله وجهكـــ يالغالي شرفت ولاكلفت ...

9381

اشكر مرورك يالغالي ...


ومن قال سالم ..

الله لايهينك أخوي صالح

نعم هذا القصيد اللي يروح الضيقة

صح لسانك ولسان من قالها

قصيدة جزلة واختيار موفق

ذائقه جميله صالح كما عودتنا

يشدني كثير ما تطرح من قصائد لذلك نتمنى تتحفنا باسم الشاعر المبدع لآهنت

يعطيك العافيه ولآتحرمنا المزيد

مشاءلله تبارك الرحمن



اخوي صالح الدعفس




قصيده رائعه




تسلم ياذوقك


وصح السانك ولسان الشاعر



ولاتحرمنا من جديد ابداعك

علوش حضوركـــ ابهجني لا عدمتكـــ ...


تحيتي لكــــ ..

هــــــــــلأ بكـــــ أميرتنااا الفاضلة ....


الله يعزكـــ ويرفع من مقداركـــ .....


يالله حصلت علي اسمة وهو الشاعر / مطلق الثبيتي رحمة الله علية ..


مروركــــ اسعدني .....

هلا ناصر ....


شرفت ولا كلفت ..

حـاز المراجـل والمراجـل كليفـة = الا على اللي كل مـا رامهـا هـاش

وان شاف له من جانب القـوم خيفـة = تلقـاه للخيفـة مهـاجـم وبـطـاش

قصيده رائعه
تسلم ياذوقك
وصح السانك ولسان الشاعر
ولاتحرمنا من جديد ابداعك

الرائع وجودكــ سر لقوافي ..

الف شكر علي حضوركــ ..

:)

صالح الدعفس
صح لساااااااانك يالقرم
وصح إحساسك يالغلا
تسلم على هالأبيات الرااائعة