|
مجلس آل غزي ـ العام يشمل منتدى [ الترحيب و الاخبار الاقتصادية و المناقشات العامة و المناسبات العامه والمسابقات الثقافية ] |
|
أدوات الموضوع |
#1
|
|||||||
|
|||||||
قصة الشايب مع الوايت.....بتعجبكم
الشايب والوايت يسولفون عن شايب نوى يشتري له وايت علشان يسقي الحلال , وذالشايب متقاعد وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف. عجب خوينا الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو بغالي. ولا ذاك الرجال ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!! يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك بمليون ريال ذالحين ,,ذالحزه بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا..وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري وش السالفه!!!. طيب وش العلم علمني ..؟؟ علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون. والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم. وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك |
04-02-2010, 04:28 | #3 |
|
رد : قصة الشايب مع الوايت.....بتعجبكم
((وَفِي السَّمَاءِ رِزْقُكُمْ وَمَا تُوعَدُونَ ))
الله يعطيك العافية فهد والله نصيبه هــ الشايب فعلاً يرزقكم من حيث لاتعلمون تحيااتي |
|
04-02-2010, 05:28 | #4 |
VIP
|
رد : قصة الشايب مع الوايت.....بتعجبكم
ارحبوا فهد بن سالم . أجل طيرهم بسومته يستاهل الطيب مكتوبه له هه وناس مسويه ذكيه باعو بيتوهم قالوا حنا هوامير صادتهم الشبكه وحرجو عليهم بسوق السمك
|
|
08-04-2010, 04:25 | #5 |
ضيف
|
رد: رد : قصة الشايب مع الوايت.....بتعجبكم
اقتباس:
المشاركة الأصلية كتبت بواسطة علوش الفضلي على نياتكم ترزقون مشكلة هوامير المخططات يبون ياكلون كل شي قصة طريفة الله بعطيك العافية فهد بن سالم الله يعافيك اخوي علوش الفضلي مشكور ومنورررر .. |
|
08-04-2010, 04:27 | #6 |
ضيف
|
رد: رد : قصة الشايب مع الوايت.....بتعجبكم
اقتباس:
المشاركة الأصلية كتبت بواسطة ايمان الجراي ((وَفِي السَّمَاءِ رِزْقُكُمْ وَمَا تُوعَدُونَ )) الله يعطيك العافية فهد والله نصيبه هــ الشايب فعلاً يرزقكم من حيث لاتعلمون تحيااتي الله يعافيك ويخليك ... يسلموووو ع الحضور . |
|
08-04-2010, 04:29 | #7 |
ضيف
|
رد: رد : قصة الشايب مع الوايت.....بتعجبكم
اقتباس:
المشاركة الأصلية كتبت بواسطة إبن لام الدويسي ارحبوا فهد بن سالم . أجل طيرهم بسومته يستاهل الطيب مكتوبه له هه وناس مسويه ذكيه باعو بيتوهم قالوا حنا هوامير صادتهم الشبكه وحرجو عليهم بسوق السمك ياهلا وغلا اخوي .. انت شايف والله يستاهل ع النيه ههههههههه مشكوره ع المتابعه مره نايس . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|