قصيد المرشح لانتخابات 2007 السيد محمد عبود رثعان الماضي العيسى بمناسبة الانتخابات\
اتخذت الموقف وانا فيه ملزوم=من حرة ٍ با القلب يصهل رعدها
حدتني تواريخ وافعال وعلوم=وسوابق ٍ لليوم كل ٍ حمدها
العيسى من جاهم من الضيم مزحوم=يلقى الفزع ببيوت يشمخ عمدها
هيل الرّباع ملفّيت كلّ مضيوم=هم المثل للضيف كل ٍ شهدها
وتشهد لهم قيعان وزّمل وحزوم=وكم سربة ٍ للقوم غيّب سعدها
واليوم حنا اليوم زافات وقسوم=ولاتصلح الفرقة مع قلة عددها
شديت للعليا حمرا بها زوم=تشره على الطولات يالله سندها
يا سابقي ربعك صناديد وقروم=اهل النخاوي يوم يطلب مددها
وان جا نهار ٍ فيه سايم ومسيوم=لي عزوة ٍللعين تشفي رمدها
والفزعة ليا صار ماهي بها ليوم=وش تنفع ليا فات حروة وعدها
تمضي الايام تذاكير ورسوم=ويسجل التاريخ اعلوم ٍ رصدها
وام الردي تصفق على الوجه ملطوم=وام الشرف تفخر بموقف ولدها
وكل ٍ ياخذ له من الحظ مقسوم=وقال المثل من عز نفسه وجدها
وسلامتكم