1- ماهي علاقتك بالشعر ؟!!

>>علاقه قويــه جداً ..لاني تعودت عليــه واعتبره وراثــه من الوالد لأنــه شاعــر ..

2- من هو شاعرك المفضل ؟!!

شاعري الأول هو والــدي "أطــأل الله في عمرهـ "..
بس احــب قصــايد *بــدر بن عبــد المحسن*..
ومحمد جار الله و حامد زيد وشعراء كثيـــر ....

3- اعضاء تثق في ذائقتهم الشعرية ؟!!

والله أنــأ اشوف ان اغلب الأعضا عندهم ذائقه شعريه عاليــه ..
بس تقدرون تقولون ..عمر المســعر"..

-عضو تقول انت سوبر ستار متذوقي الشعر بنبض العاصمه؟!!

بصيــر دبلوماسيــه مثل عمر بس بقول هــو عارف نفســه ..

5- بيت شعر يحضرك دائما ؟!!


طبعــي كذآ لاشفت درب الثقــه أمشيـــه ...
مــاهو غـــــــرور لكن "أثبــت وجــودي "...

6- قصيده تعدها من اروع القصائـد ؟!!

قصيدة "معــايير النجوميــه "...<للشــأعر محمد جار الله السهلي ..

7- هل لك محاولات في كتابه الشعر ؟!!

أيـــ والله ..بس انــا ماخذهـ عهد على نفسي ان قصايدي مايقراها اللا اختــي ....
.وفيه كم قصيده شافها الوالد ..

8- لك مساحه بلآ حدود وحرية بلا قيود امتعنا بقصيدة على ذوقك ؟!!

هــذي القصيــده تحمل معاني الأبداع والأنفراد بالأسلــوب وأن شا الله تنال على اعجــابكم ...

النــص / حالة تجرد / فلسفه حرة
محاولة للتوحد والخصوصيه


علاقتي فيه : حب ومن طرف واحد
نزعاتها تفتقد نزعه ثنائيه

كريم .. واكراما ً لجيته في بالي
ذبحت له منهج ومطلع وقافيه

وعزمت .. ما لا كتبته من قناعاتي
وما تيسر من احرفنا الهجائية

يا ضيفي المتعب من الضوء والشهرة
الليلة انسى معايير النجومية

خذ راحتك واترك احساسي ورى ظهرك
شاعرك مستاء و افكاره جنونية

يؤمن باشياء : ما يقدر يفسرها
ويكفر باشياء : جبرية وحتمية

الكون في نظرته من شرقه لغربه
كل شي في داخله مسلوب حرية

الروح مسجونة فجسم البني ادم
والآدمي منسجن في كوره ارضية

وبالرغم من كبر حجم الكوكب المائي
الارض مسجونة بقبة سماوية

لذا يكون الخضوع احيان بالفطرة
تحت أسس واضحة لاحكام كونية

والدين في نظرته مـن وحيه لفقهه
أسمى رتب الاحتياجات الغريزية

تاكيد لا منطقي الفكر بالمنطق
وتجسيد الاعجاز في فكرة بديهية

اعطاء الانسان معنى انسان فعليا
احساسه بقيمة العيش بشمولية

لذا يكون الرقي في أعظم احواله
تعــلق الذات بالذات الإلهية

والحكم في نظرته من عدله لظلمه
تصحيح الاخطاء في صوره ضبابية

تصريح بأن الحياة المقبله اجمل
وتوضيح معنى الفخامة والرفاهية

وفساد الارض وخضوع الحق للباطل
الحاصل من الصراعات السياسية

لذا تكون الدول في العالم الثالث
هيئة لتنفيع مجموعة حرامية

والشعب في نظرته من بعضه لكله
الركض خلف التفاهات الكمالية

تكريس الاذهان في ما لا ينميها
برنامج , مسابقة , جلسة رياضية

اهم شي العقول تكون مشغولة
باشياء لايمكن تسمى مصيرية

لذا تكون الشعوب اجساد تتكاثر
وتمارس الدجـه بصورة جماعية

والمجتمع مسرحية والبطل فيها
افضل ممثل لتمثيل المثالية

والانتماءات للاحزاب والمذهب
ماهي بمحصورة بموطن وجنسية

تشـل جسم البلد وتشتت الوحدة
تزرع تفرق وتجني حرب اهلية

والناس فـالناس مدري ويش مشغلها ؟
حسبي على نزعة النفس الانانية

تخلي الادمي مشغول في ربعه
عين فبني عمه وعين فبني خيه

عنده حساسية من الناجح الاقرب
والقرب لا زاد تزداد الحساسية

ولو انه مراقب اوضاعه ومصلحها
كان العلاقات بالغالب حميمية

والرجل لابد يصنع نفسه بنفسه
ويجابه المستحيلات بعصامية

تحفظ قياسية الارقام وتسجل
من اجل تحطيم الارقام القياسية

وتعامل الشخص مع غيره يبين لك
مقدار مافيه من ازمات نفسية

والرحمة اصدق مشاعرنا واروعها
لله در التواضع والمحنية

وممارسة قوة السلطة على ضعيف
ردة فعل ناتجة عن ضعف شخصية

على التناقض تعيش العالم وتحيا
بـعقول وحدة وبافكار انتقائية

ولاهو ضروري طبايعهم تفرقهم
الاختلافات احيانا ضرورية

مايجذب الموجب الا روعة السالب
والضد بالضد قمة بـالرومنسيه

خذني مَثَل حي رغم اعجابي بنفسي
وتقديري لكل طبع وخصلة فيـه

عمري ماحبيت وحدة طبعها طبعي
انـا حياوي ولا احب الحياويه

اسرفت واعذرني ليا اسرفت يا ضيفي
الليلة زيارتك ماهي بـعادية

ليا متى والشعر مايشبه الشاعر
وعلاقته فيه محدودة ورسمية

لكن خلاصة حديث المدرك الهايم
في وادي افكاره الغر الفجائية

لو كل ماساد بين الناس مقنعنا
ماعاش الابداع فارض الاتباعية

مع وافر الكره والتحقير والضيقه
سحقاً لكل السخافات الوراثية.....

9- بيت شعر اذا ضاق صدركـ ترددهـ ؟!!

فقدت الحلم والبسمه وبان بجسمي أرهاقي ..
حســافه مانفع طيبي ولا فادتني اخـــــلاقي ..

10- اهدي بيت شعر لعضو بـ المنتدى ؟؟

أهــديه لكــل الأعضـــاء ..

{نفيـض أحساس ونعطي من محبتنا بدون حساب...
"نحسب الناس كل الـــناس نسخه من طبايـــعنا}

11- أجمل بيت غزلي مر عليك .؟؟

هــذا بيت للشاعر الكبيــر خالد الفيصل ..

نـصـف زيــن الــخــلايــق فــي عــيــونــه **** وبــاقــي الــزيــن فــي بــاقــيــه كــلــه

وســـــــــــــــــــــلآمتـــكـــم ...


يعطيكم الف عافيه على اتـــاحت الفرصه لــي ..

وفي انتظااار ولد العم .."ابن عــباد "..

وااااااااااااافر أحتــرامي ..