لاشــفت وقـتك صـاير فـيه مافيه ..
اصبر على المقسوم خيره وشره
ترى الــدهر مهــوب ولدك تربيه ..
مهما حصل لك من برده وحره
وان شفت حظك منسدح لاتوعيه ..
يقوم من نومه وينحــآش مره
خــلـه بنومه واطـلب الله يشآفيه ..
يمكن يحصل لـه عــلاج يسره
الابيات اعلاه مشاركه من الاخت ابرار واعجبتني .وحاولة اجاريها بالابيات التاليه .
اعجبنــي ذوقــك قلـت واللـه لاجـاريـه
طــرّا علـي الــذوق اسلــوب مـهـــره
وقلت جاك المغيري في نصيحه وتوجيه
اصــبر عـلـى المكتـوب حـلــوه ومــره
تــرى الـحـيــاه اللــي تـجـيبــه تـوديــه
نـوب(ن) فـالارض ونـوب يم المجــره
استـغفـــر الـرحمــان لاتـقــول وشـفيــه
قسمــة الـــه الـكـــون ولافيــه فــــــره
واللـه غـفــور(ن) يـرحـم العبـد يعطيـه
خـلك لحـوح (ن) فـالـدعــاء دوم كـره