بسم الله الرحمن الرحيم
السلام عليكم ورحمة الله وبركاته
اقول لــــــكـــم قبل الزحمه من العايدين الفايزين
وكل عـــــــــــاااام والجميع بخير وصحة وسلامة
_____________________________
جسم(ن) رشيق(ن) غض لو ان به طول
لاشك معجبني جماله وطوله
زول(ن) حشى ماشفت مثله ولازول
العين تشهد ماراءت مثل زوله
مهرة وأنا في خبرتي سايس اخيول
لاشك ماقربت بالحيل حوله
أرسلت مرسول(ن) تقفاااه مرسول
وجلست في لهفة تحرى رسوله
وجاني على ماقيل من يصدق القول
والله حسيبه كان ماصح قوله
يقول لي اقبل ترااك أنت مقبول
قلت آآه ودي قبل تعلن قبوله
أعرف ثلاث امور والسر مقفول
والنفس ماهي قبل ذلك عجوله
يقول مرسولي لك الجهد مبذول
والله مهدى لين شفك تنوله
شرف وصل من عائله ترجع افضول
حمولتن ياحيها من حموله
قدمت للصيده وعودت معلول
ضاق الصدر والنفس حيل امعلوله
صار الامل في ناظري شبه مقتول
وشغلت بصدمه بقوة وهوله
وسلامتكم
</b>