الصقررر

بيانات اضافيه [ + ]

رقم العضوية :  أخر زيارة : 01-01-1970 (04:00)  المشاركات : n/a [ + ]

لوني المفضل : Cadetblue

اقتباس:
المشاركة الأصلية كتبت بواسطة ابوسيف
يا شين المكابر اذا صرت غلطان واصريت على الغلط

الاعتراف بالحق فضيلة لكن للاسف قليل من من ينال الفضيلة

يا صقر يا حبيبي اترك عنك التعصب وخل عنك العناد

لا تقول لي انك مو متعصب ... بل انت متعصب من راسك الى اخمص قدمك

تبي الدليل ... يوم الهلال فاز الهلال على بندكور الاوزبكي

انا حطيت موضوع مباركة للهلال والكل شارك ...طبعا انا ما اطلب منك المشاركة

لكن وش كان فعلك غير طرح مواضيع ضد الهلال وضد انجازات الهلال
واكثر من موضوع ضد الهلال مجمل مواضيعك كانت تسعى للنيل من الهلال .... الى متى وانتم يا نصراويين عايشين
على اخبار الهلال وماذا فعل الهلال واين وصل, خل عنك التعصب
تبي تقول انك لازم توعي الجمهور اسمح لي الجمهور ما يحتاج توعية , انت من يحتاجها ... الجمهور له عيون واذان ويسمع ويشوف بعينة الحقائق
اللي عجزت انت ومن هم متعصبون مثلك ان يقتنعو بها

وبعدين اختنا ما غلطت يوم انها تنصح ... ليه ما تتقبل

تصف سامي بالحوثي ... ليه انت عالم انساب؟؟!!!

وتقول انك تقصد الحوثيين المسلمين (السنة) كثر منها... كان قلت ابو يمن

وشفيه اليمني مو عاجبك ... او ان الغرور وصل بك ما وصل

ترى انت اصلك يمني ... اصل العرب من اليمن ... انت من قحطان ولا لا ؟

مالك ومال الهلال خلك على ناديك العالمي
اووه نسيت ناديك ما سوا اي شي اصلا عشان تكتب عنه

وتقبل مني كل كلامي واذا ما عجبك طنش



كل مارجت وجيت ولا هالمشاركه في وجهي مع العلم اني رديت عليها بس
بإختصار وفيني فليفله على الرد عليها كامله

اقتباس:

يا شين المكابر اذا صرت غلطان واصريت على الغلط الاعتراف بالحق فضيلة لكن للاسف قليل من من ينال الفضيلة

هاالكلام ياريتك توجهه للمحلين اللي يغلطون بل يصرون على الغلط ويكابرون

اقتباس:

يا صقر يا حبيبي اترك عنك التعصب وخل عنك العناد لا تقول لي انك مو متعصب ... بل انت متعصب من راسك الى اخمص قدمك

ياحبيلك يابوسيف انا سبق واني حلفت لك ان اخر اهتماماتي الكره
وانا صادق , وماتلاحظه مني ويلاحظه غيرك مجرد ردود افعال
لااكثر على مشاركاتكم وادئما انا اللي اروح في رجلها وانا الغلطان والاكثريه هنا تحملني المسؤليه على مايحدث وانا بريء
مما يحدث , ابوسيف هل تعلم اني قاعد احارب على شان ايش على شان اني عالمي , واعرف مسبقا وصولنا للعالميه
لابد من ضريبه , تخيل لو اني محلي كان دودت الذبان علي
ولا احد درى عني ليش لاني محلي حدي بطوله محليه وبطولة
اسبوع الشجره وانت جاي هههههههههه

اقتباس:

تبي الدليل ... يوم الهلال فاز الهلال على بندكور الاوزبكي انا حطيت موضوع مباركة للهلال والكل شارك ...طبعا انا ما اطلب منك المشاركة

تصدق يابوسيف اني اولا ماشفت مشاركت ثانيا مادريت ان الهلال
بيلعب لاني زي ماقلت لك انا تارك الكره مني من متابعيها وخصوصا اذا كان احد اطرافها محلين هههههههههه
ولا تزعل انا سمعت ان الهلال فاز بتسألني كم النتيجه والله ماادري عنها بس نقول الف مبروك وتستاهلون ولو اني داري
انكم منتم ماخذين البطوله العويده بس اهو نبارك لكم نعتبرها
فزت ددسن هههههههههه وانكم محسوبين علينا ههههههههه

اقتباس:

لكن وش كان فعلك غير طرح مواضيع ضد الهلال وضد انجازات الهلال

شف يابوسيف جعلي ماابكيك وانت ابخص مني هذي امانه كرويه
وتقع على عاتقي انا وابن العم عبدالله واي عالمي ان نوعي هذا
الجيل والجيل القادم ونحذره بأن لاينزلق في دهاليز المحلي
وينخدع في بطولاته المزيفه وزي ماقلت لك في الاول امانه
ويجب ان تبين للاخرين على اكمل وجه ههههههههههه

اقتباس:

واكثر من موضوع ضد الهلال مجمل مواضيعك كانت تسعى للنيل من الهلال .... الى متى وانتم يا نصراويين عايشين على اخبار الهلال وماذا فعل الهلال واين وصل, خل عنك التعصب

الله واكبر هالهلال لا يكون نادي برشلونه على غفله محلي وانت
جاي ههههههههههههه

اقتباس:

الى متى وانتم يا نصراويين عايشين على اخبار الهلال وماذا فعل الهلال واين وصل

والله ياولد العم مادرين عن محليك وانه اخر اهتماماتنا , انتم اللي

مرضتونا قال العالمي سوى العالمي , لو ماتجيبون طاري العالمي تسخنكم هابلكم في كل شي
ودفاعنا وحبنا للعالمي زي دفاعنا عن الوطن وحبنا له

ابسألك وش عندنا نتفاخر به في وطننا

ماعندنا الا حبنا الدائم والازلي لوطننا الكبير والبترول مصدر رزقنا والعالمي مصدر فخرنا غيرها ماعندنا شي نباهي الاخرين
به هههههههههه جميع ماعندنا خلاف ماذكرت عند غيرنا مثلا
لوجينا نباهي بالمحلي فاغيرنا عنده محلي اذن احترق كرت المحلي ونرجع للاصل اللي ذكرت ههههههههههههههه

اقتباس:

تبي تقول انك لازم توعي الجمهور اسمح لي الجمهور ما يحتاج توعية , انت من يحتاجها ... الجمهور له عيون واذان ويسمع ويشوف بعينة الحقائق اللي عجزت انت ومن هم متعصبون مثلك ان يقتنعو بها

لايحتاج لتوعيه وخصوصا اذا كان من جمهور المحلي بل يحتاج
الى هيكله من جديد ولايسدن هههههههههههه

اقتباس:

وبعدين اختنا ما غلطت يوم انها تنصح ... ليه ما تتقبل

انا تقبلت نصحها بصدر رحب واختي غيمه تامر علينا جميعا

ولكن لم ارتكب الفرار مثلكم واجلس انتظر اللين يركد الرمي

بل جلست واخذت واعطيت مع اختي غيمه وان اختلف معها في

الشكل ولكن اتفق معها في المضمون

اقتباس:

تصف سامي بالحوثي ... ليه انت عالم انساب؟؟!!!

واذا وصفت سامي بالحوثي هل اخرجته من المله نعم سامي

من اصول يمنيه ولايستبعد ان يكون من قبيلة الحوثين

مااعتقد فيها شي

اقتباس:

وتقول انك تقصد الحوثيين المسلمين (السنة) كثر منها... كان قلت ابو يمن

انا ذكرت الحوثين السنه ردا على اختي غيمه حينما قالت انت بتخرجه من المله وعرفت حينها انها وغيرها تجهل هذه القبيله

اقتباس:

وشفيه اليمني مو عاجبك

لا عاجبني ويكفيهم فخرا انهم اهل حضاره وتاريخ ولاينكر هذا

الا جاهل

اقتباس:

او ان الغرور وصل بك ما وصل

نفسي في يوم من الايام انغر بس ماقدرت ولا عرفت لانها ليست
تركيبتي الحقيقيه انا انسان مثلي مثلك مثل الاخرين البسطاء
ماعندي لاتلميع ولاتمليح اكلمك انت وغيرك على بساطتي المعهوده , ولكن قد اختلف عن البعض بعدم مجاملتي لاحد
واني انسان جريء , على فكره ترا الانسان مثل ابن ادم ههههههههههههههههههه

اقتباس:

ترى انت اصلك يمني

من قال لك ان اصلي يمني انا اصلي فرنسي هههههههههههه

اقتباس:

انت من قحطان ولا لا ؟

لا

من فضول فرنسا هههههههههههههه

اقتباس:

مالك ومال الهلال خلك على ناديك العالمي

ابوسيف عاد انتم خليتو العالمي ومشجعينه في حالهم

مافيه الا حش وتقطيع تقول جمعيه خيريه هههههههههههههه

واذا ردينا عليكم زعل البعض والبعض الاخر قام يجيب حكم

ومعلقات وشراشف وغيرها

انا ابسوي استفتاء من اللي يبي الصقر واللي مايبيه

اذا كان اللي يبون الصقر تعدو النصف فأنا مع الاسف ابجلس

على قلوبكم يالمحلين زعل من زعل ورضى من رضى اما اذا

كان اللي مايبون الصقر تعدون النصف فأنا ومع الاسف سأجلس

ليش ؟ لتوعية هالجيل والاجيال القادمه من المحلين

هههههههههههه

موفق خير يابوسيف يامحلي اينما ذهبت