السلام عليكم ورحمة الله وبركاته


من الذاكرة


الشمس نوره سطع لآجل المزايني
لولا المزاين بالدنيا طفى سراجه

كل ٍ به جروح ولكن شوقي يظنيني
وش ابااسوي بقلب ٍ يصعب علاجه

غير اشتكي من هوىً يبعد ويدنيني
واشكي من الليل الا منه غطى داجه

بقعد على درب خلي وانتظر حيني
حتى يحين القدر والدنيا غناجه

وأوصي من هو يحفر القبر ويذْريني
يكتب على النصب مات وله بكم حاجه

يا قمرا نورك يذكريني ويبكيني
ويا شمس قلبي على المزيون به فاجه

كلمات: محمد العثيم