بسم الله الرحمن الرحيم السلام عليكم ورحمة الله وبركاته: هذي يالربع من سوالف البدو الطيبه اللي عسى الله يكثر منها ومن أهلها : السالفه أوله مطيري من الدياحين إسمه هزاع و ظفيري عريفي . العريفي لقى الديحاني يمشي رجلي فأخذه العريفي لبيته وضيف الديحاني وأركب الديحاني معه لين وصل الديحاني لأهله وبغى الديحاني يكرم العريقي لكن العريفي رفض واكتفى العريفي بالقهوه و رجع لأهله وبعد فتره مهي بسيطه جاء ظفيري (غير العريفي ) يدور له ضايعه وصوت له هزاع ونشده منين انت وش ضايع لك جاوبه الظفيري وقاله الديحاني ترا محلي محلك قعد الظفيري عند الديحاني ويوم جا يبي يمشي قال الديحاني انا أوصلك لاهلك وكان عند هزاع ذلول طيبه مايردف عليه أحد ،أركب عليها الظفيري ويوم جو حروت بيوت الظفير حول الظفيري وراح لهله والديحاني رجع يبي أهله وقاله أبيات يعتذر من ناقته الطيبه والغاليه عليه ويونس نفسه بالطريق قال : اللـي بـلا نــي بليـتـج فـيـــه .. . وانـــــت من الأوراك مردوفه ولــولا الحيا كان ما شلتيــه . . . . ولانتـــي بالاجنـاب مكلوفـــه والطـيـب ماينـسـي راعـيــه . . . وكـلــن يـجــازى بـمـعـروفـه وســــــــــــــلامتكم.... الشعطاني الظفيري......