مجلس قبيلة الفضول التوثيقي الرسمي الأول - وموقع واجهة القبيلة - عرض مشاركة واحدة

04-07-2008, 01:24

اقتباس:

المشاركة الأصلية كتبت بواسطة طه الكبيسي

قصائد قصيرة

( 1 )

كون بگلبي تدري اشيحمل اسرار ..
وكونك تفهم بنظرات العيون ..
ليش آنه من اشوفك اشتعل نار ..
گوم الحگ عليه وشوفني شلون ..
احبك .. وآنه باقي وياك محتار ..
شفت اعيونك آنه .. وصابني اجنون ..
ولك گلبي گلب .. مو كومة احجار ..
ومن حقي آنه اگلك .. بيك مفتون ..
بارد لشوكت .. مره انگلب حار ..
وچويني واگلك آني ممنــــــــــــون ..

( 2 )

امبين عليك الهوى ..
ومعروف احساسك ..
وشبيك شو مرتبك ؟
من جدمك لراسك ..
فضفض اشما بالگلب ..
واحچيلي ما عندك ..
ولتخلي ماي الخجل ..
يطفح على خدك ..
بعيونك انت الحچي ..
وبعيونك انت اسرار ..
واشبيك من تلزم ؟؟
شو تچوي مثل النار ..
واضح عليك العشگ ..
لا تخفي انت الصار ..
احچيلي آنه اسمعك ..
لتخاف من كلشي ..
هو العمر منگضي ..
وبسرعة من يمشي ..
بس راح اريحك انه ..
وانطيك البگلبك ..
آني احب اجيتك ..
واعرف مدى حبك ..

الاخ العزيز طه الكبيسي..
كلمات جميله جدا في الشعر الشعبي ..اتمنى لك المواصله دائما بامتاعنا ولكن بصراحه اخويه ارجو امهالنا للتروي اكثر من كلماتك الجميله ولتصل الى قلوب اكثر المتصفحين وتهيئة الفرصه المناسبه لهم للرد عليك والمداخله ..وحرام على كل هذه القصائد تمر سريعا على الحاضرين والغائبين دون ان ينهلوا من عبيق عطرها .. مع اعتزازي وتحياتي