لكن البلا من بعض الرجال الذين يبحثون عن العيب والنقص ، فتجده يتجاهل كل الصفات الطيبة في زوجته ويستمر في الدق والتعليق على الصفة التي هي أقل من مثيلاتها ، يعني ممكن تكون عقدة نفسية أو ما شابه
اخوي ابو عساف كلام سليم
الرجل الحين يبحث عن عيوب زوجته وكأنه يبحث له عن كنز واذا لقى فيها عيب حتى لو كان تافه مسكه عليها وقام يعايرها فيه طول عمرها معه وكأنه هو ملاك طاهر خالقه ربي كامل وخالي من العيوب وانا معك انه نتيجة عقده نفسيه في الزوج وربما يكون إحساس بالنقص تجاهها خصوصاً إذا كانت مثقفه او من عائله مرموقه اوكانت متميزه
وبالنسبه لمسئلة الحظ انا معاك ان العمل والمجهود له دور بس الدور
الأكبر اعتقد انه للحظ
حنا نشوفه قدام عيوننا ناس ماتستحق الحياة اللي عايشتها اللهم لاإعتراض بس اقصد ان فيه حريم مايدرن وين الله حاطهن لاجمال ولا سنع ولا ذوق لا ولسان طول مترين ورغم هذا عند أزواجهن (يادهينه لا تنكتين)
وحريم الله يستر عليهن ويوفقهن جمال وملح وذوق وسنع وطبخ وأناقه وبرغم هذا ازواجهن مو حاسين بالنعمه اللي هم فيها !!!!!!
وصدقني مو تعلق بالحظ بس هذا اللي حنا نشوفه ولا وش تفسر فيه الكلام اللي قلته ؟
وأرجع اقول الحظ ثم الحظ ثم الحظ (وعطني حظ وقطني بالمحيط )
|