السلام عليكم ورحمة الله وبركاته

اتمنا ان تكون اللهجة العراقيه مفهومه للقارئ

يا عراق

يريدونك تضيع وانته نور بليل --- وتموت من العطش بالماي يردونك

ويضيعونك عجيب وانته مثل الريح --- وين بيا مكان اتضيع يلكونك

مشوك بدرب ما مات جدمك بيه --- وحتى اتضيع كلش شدو اعيونك

وغشو عينك وايدك مزنجلة ومجتوف -- تهد هدت اسد لو ناس ينخونك

عاشرنه التعب والاه والحرمان --- كلها لخاطرك ولخاطر اعيونك

صرنا لك جسر للنجم عبرناك --- وصغنه من الحزن ضحكات لعيونك

يردونك صبخ والملح ياكل بيك --- ويردونك تبور وما يزرعونك

ويردونك تجف والماي يطلب ماي --- ويردونك تنام وما يندهونك

ما يدرون عركك بالارض ميموت --- ترد تحيه وتعيش شما يكطعونك

يا ااا مدري شوصفك شرد اكولن بيك --- عراق والعمر ما يسوه من دونك

ليلى انته صرت والمثل ما ينقاس --- وشعبك من محبتك صار مجنونك


وسلامتكم