|
رد : ما قيل شعرا عن قبيلة الفضول ....
تسلم يا ولد العم -----وهذي قصيده للشاعر /غازي المنشرح الصلال
بديت باسم المعتلي عالم الغيب--------------- اللي لبيته يجنبون الرحايل
ومن بعدهاقلت المعاني بترتيب -----------------قول نظيف ولا يجي فيه مايل
ترسل على اللي وافيا بالمطاليب---------------- عبد اللطيف اللي كمل بالخصايل
ونعم بكم يامكملين المواجيب-------------- لوما عرفناكم تجينا الرسايل
سلام مني لعزوتك شبا وشيب ---------------عيال عودة مطوعت كل عايل
وانا احمد الله كل ربعي مصاعيب-------------- اهل الافعال معربين السلايل
حنا نهار الضيق يوم المناشيب-------------- عدونا يندم اذا جا صايل
حنا فضول ومن خيار المناسيب ---------------من لام منبعنا كبار الحمايل
حنا هل المعروف وحنا هل الطيب--------------- وعندي على قولي اثبات ودلايل
حنا موردين السيوف المحاديب----------------- وتعرف مواقفنا بيوم الفعايل
لبسنا الحله بدار الاجانيب ---------------عند الملوك اهل الفعول الاوايل
منا بن عروج متعب هل النيب---------------- اهل الركاب ومكرمات الاصايل
احفا الركايب يتبعنا جناديب------------ تشهد على فعله جميع القبايل
والمنشرح منا احصان المطاليب -----------فعايله عدة على كل طايل
وملفانا ابن دبوس راعي المواجيب------------- راعي العلوم الطايله والفضايل
وابن خضيراللي مدرب على الطيب------------ منهى الفضول اللي يحل المسايل
وابن جريد من خيار المعازيب---------- حباب ضيفه يوم دور الرحايل
ومنا ابن حامض تنزه عن العيب--------- صويان ابو مهاوش عزيز النفايل
وابن احبيب حاوي المجد والطيب-------------- تعيش في ميره ايتام وعوايل
ريف اليتامى والضعاف المحاديب -------------حيد الرجال اللي يشيل الثقايل
والكل منا بالمواقف كما الذيب ---------------وحنا من اول مجحمين الدبايل
ولاهمنا برد الشتا والواهيب----------- رجالنا ياطا الخطر ما يشايل
الوقت فرقنا على غير ترتيب ------------وخلتنا الفرقا شعوب وقبايل
الشاعر /غازي المنشرح الصلال
|