الزمان يدور من حاله لحاله***والدهر لاضاق لابد اتساعه
والرجال تشوم عن درب الرذاله***والسنين العوج ماتبغي مناعه
والبحر لامن صفق واصتك جاله***يبطي البحار مايرفع شراعه
والصبر لاطال فال الله وفاله***وطعنه السكين مافيها شفاعه
دامها من باب مقصود النذاله***يكرم الرجال من كف البشاعه
سجلوها فالسطور وفالمقاله***حكمتن من عاقلن مابه لكاعه
والفتى لاطاب ماهو من خواله***الفتى لاطاب طيبه من ذراعه
وان قصرمن دون هقوات الشكاله***خيبته في هقوته من قصرباعه
والوجيه السود مافيها جماله***لو تجمل كل يوم وكل ساعه
سلعتن محذوفتن وسط البقاله***لعنبوها وين اصرفها بضاعه
لاتعشا الذيب من لقمه عياله***تشكي عيال الضباع من المجاعه
يا الاهي يامعين لمن سعاله***احمدك واثني ثنيتها رباعه
فالعلوم الواطيه زدني جهاله***وفالعلوم الطيبه زدني قناعه
واستعيذك عن صداقات الحثاله***جاحدن وابليس اخوة من الرضاعه
حذر المسلم عن دروب الضلاله***وماتشوفه فالصلاة مع الجماعه
صاحبي وانت الرصيد اللي اناله***لابغيته قال لي سمعن وطاعه
واحدن لاقام للحمل ارتكاله***يوم ولد اللاش مافيه استطاعه
سجها في ليله خيل خياله***ولا يردك عن مداك الا الشجاعه
والشجاعه كنز مافيها دلاله***والعوض في الشي خير من القطاعه
لو جنوب الدار مايعرف شماله***ماتشوف من الجبل كبر ارتفاعه
ولو خويي ماوفا حق الزماله***ماشفقت لشوفته والا وداعه
ان بغاني عندة اقرب من ظلاله***وان جفاني يتبع النور وشعاعه
ماكبر قدرة على جاهه وماله***لعنوبها خوة فيها طماعه
طنخه الرجال في ميله عقاله***ولو يميل الوقت مايلوي ذراعه
نقلتها لكم
هيبة الصيت