قلبي اللي
السلام عليكم ورحمة الله وبركاته
مساء الخير والورد والجوري
رجعت لكم من جديد وجبت لكم قصيدة مرررررررره حلوة
( قلبي اللي ) دايم السيف الامير خالد الفيصل
قلبي اللي لواه مْـن الصواديـف لاوي== جرّحتـه الليالـي و الحظـوظ الرديّـه
و الله أنّي بوسط الناس كنّـي خـلاوي== من يلوم المفارق عقـب فرقـا خويّـه
أشهد ان المفارق من عظيـم البـلاوي== مير هـذا نصيبـك يالعيـون الشقيّـه
أتجلّد و أقول أنّي علـى البعـد قـاوي== و الله أعلم بقلبٍ فيـه الأشـواق حيّـه
كيف راحت يابو تركي حياتي شقـاوي== وين درب السعـاده و الحيـاة الهنيّـه
ليت لأهل الهوى و الحب قاضي دعاوي= كان أداعي عيون اللـي فراقـه خطيّـه
كنّي المبلـي اللـي قطّعتـه المكـاوي== كلّمـا جـظّ بالـونّـات زادوه كـيّـه
|