اخصائي مختبر مساء النور والسرور

عاد لدرجه هذي النصر مقرقع بكم هذا وهو خارج البطوله اجل لوه

منافس على البطوله كان اعلوم .

بالعكس باولد العم مافيه حرقت رز ولا مكرونه , فريق ضعيف انهزم

وخرج من الدوري صفر اليدين عقب طهبله اعلاميه صاخبه , طبيعي

لاهي نهاية الكون ونقول له الجايات اكثر من الرايحات وهردلك .

فريق قوي او ضعيف في النهايه ودعتو البطوله اللي غثتونا بها وكأن

مافي هالبلد الا الهلال والبقيه تكملة عدد , عموما حجتك ضعيفه

قصدك الاتحاد اللي ادى اللي عليه بدون طهبله وفي النهايه توج بطلا يسناهل

اقول لاترمون فشلكم واخفاقاتكم على النصر والموال القديم اللي مايوكل

عيش , خل النصر لهله قابلينه بزينه وشينه

طيب وش المشكله من حصل شي يستاهله

والنصر على قولتك ماخذ الا بطوله واحده بعد 13 سنه نرد عليك ونقول

هذي امكانيته الموجوده الان , الفريق يمر بظروف صعبه جدا لو انها ماره

على هلالك كان قفل من زمان وتم تقبيله .

الشي اللي مافهمتوه ياجمهور الهلال لحد الان ان مافيه شي يبتل على حاله

لابد يجي يوم ويتغير , فكرك ان الهلال بيتل على طول ياخذ بطولات تبقى

غلطان , سيأتي يوم الهلال يصارع من اجل البقاء في الدوري والايام بيننا

دمت بود

اخوي وابن عمي اخصائي سأوجه كلام لك وللجميع واتمنى يتقبل بصدر رحب

ابناء عمومتي لما نناقش اي مشاركه تخص الكره بصفه عامه والانديه

بصفه خاصه , فنحن بالطبع لا نقصد من وراء هذه المناقشات والمداعبات

اي شخص بعينه , اللي بيننا اكبر وارقى واهم من الكره

الاحظ البعض لما تتنقد فريقه المفضل , يتضجر منك ويزعل وكأنك

ضربته على خده او استنقصته , ولو استهدى بالله وروق وركز عدل

مابين السطور لوجد ان الامور تساهيل ولا يستوجب الزعل فيها ومن اجلها

اعيد واكرر يجب ان يفهم اي واحد منا ان اللي بيننا اكبر من الكره وغير

الكره , واذا احتمت الامور واصتكت , سنكون جميعنا له سند بعد الله

وماحز في خاطره والله انه يحز في خطرنا ولن يهون علينا مهما كلفنا ذلك .

نقطه اخيره

اللي يرا ان الصقررر اخطاء عليه سواء سابقا او لاحقا , بقصد او غير قصد

يأتي ويقول لي اللي في خاطره , ويبشر بالحق ومايلحق , انا بشر معرض

للخطاء اكثر من الصواب ولستو معصوم .

وقلمي اللي هو سلاحي اللي افتخر به دائما , يثق الجميع انه لن يرفع في

وجه اي واحد من عيال العمومه , بل سيكون سندهم بعد الله في احلا الامور

وامرها , وهذا وعد مني للجميع كفايه مشاجرات ومشاحنات افقدتنا

الثقه ببعض وفرقتنا ماجمعتنا , والله من وراء القصد

الصقررر

ابوكاسررر