بسم الله الرحمن الرحيم

السلام عليكم ورحمة الله وبركاته

هذه القصيدة للشاعر .. / ســداح .. / واداء هذه الشله .. / محمد السليس

ساد الظلام وذعذع النود
وامسيت اعيد الاسطوانه

..

واخذت اطق العود بالعود
واهز غصن الخيزرانه

..

وقطفت لي من كل عنقود
مايتعب الشاعر عشانه

..

ياهاجسي ماعنك مشهود
من راهنك تكسب رهانه

..

مد الوفا والطيب والجود
على النقا والشعر امانه

..

لاتحسب اني غير موجود
جيتك معي ختم الضمانه

..

بعض المحبه مابها فود
لاصار مال الود خانه

..

دايم تقود قلوبنا قود
والوقت ياصعب امتحانه

..

يابنت حبل الحب مشود
كلٍ يتله في مكانه

..

قامت تمون عيونك السود
ولا بيني وبينك ميانه

..

لا قلت احبك عندي شهود
همي ودمي وغليانه

..

كنتي لحالك باشة الخود
واشوفك مع الغيد دانه

..

طيفك يجي ويروح ويعود
اتابعه وامشي وازانه

..

دار الزمان ونقص الزود
وضيق وسيعين البطانه

..

كل الخطايا هينه كود
بيع المشاعر والخيانه

..

تفضلي من غير مطرود
القلب مغلق للصيانه

..

اللي لسانه كان معقود
اليوم صح الله لسانه

http://www.4shared.com/audio/Ut0cd63y/__online.html?