عليك بعـين السيح لا جـيت وارد = خـل الخباري فن ماها هبابهـا
ترى ظـبـي رمــان بـرمـان راغــب = والأرزاق بالدنيـا وهـو مـا درى بـهـا
سقـى الحيـا مــا بـيـن تيـمـا وغـربـت = يميـن غميـق الـجـوع ملـفـا هضابـهـا
سـقـاه الـولـي مــن مـزنـتـن عقـربـيـة = تنـشـر أدقــاق وبلـهـا مــن سحـابـهـا

دار لـنـا مــا هـــي بـــدران لغـيـرنـا = والأجـنـاب لــو حـنـا بعـيـدن تهابـهـا
يـذلـون مــن دهـمـا دهـــوم نـجـرهـا = نفجـي بهـا غـرات مــن لا درى بـهـا
ترى الدار كالعذرى إلى عـاد مـا بهـا = حـزن غيـورن كـل مــن جــاز نابـهـا
فيا ما وطت سمحات الأيدي من الوطا = نصـد عنهـا مــا غــدا مــن هضابـهـا

ياديـرتـى يسـقـي ثــراك المخيـلـه = يـا ماكـر جـدودي وديـرة خـوالـي
قلـبـى يـحـب المـوقـدة والرعيـلـه = وخشـوم جلـديـه وسـمـر الجبـالـي
المـوقـدة لضـيـوف حـاتــم دلـيـلـه = نــار لـهــا بالنـايـفـات اشتـعـالـي
نـار بجـوف الليـل يـومـى شليـلـه = الـلـي عليـهـا يعـتـقـون الـمـوالـي
حاتم صخـا للضيـف سيفـه وخيلـه = عــادة هــل الغلـبـا قـديـم وتـالــي
وقــــت مـايـرخـصـون الكـحـيـلـه = بالضيق ماتسـوى الكحيلـه ريالـي
وعنتر عذاب الخيل مروي السليله = فـوق النعـي هالـوا عليـه الرمالـي
وعـدي وزيـد الخيـل هــذا مقيـلـه = وهذا حمـى بقـار مـروي السلالـي
ودار المهـادى يـوم يوفـي عميـلـه = وجشـعـم وزقــام بـعـاد الـمـوالـي
والشبرمـيـه يــوم تـمــدح دخـيـلـه = ودار اخو خنسا وابو زيد الهلالـي
تــوارخ لـجــدود اهـلـنـا طـويـلـه = يعـدهـا قـبـلـي جـمـيـع الـرجـالـي