|
رد : عضو في ضيافة مجلس الشعر..
السلام عليكم جميعاً
وعساكم على القوه دائماً ... والله يمسي طيب الفال بالخير ...
بدايةً أشكر صاحبة الموضوع المميزة في طرحها( عبير الورد )
و الشكر كل الشكر لأخوي ( راعي العلياء ) على ترشيحه بيض الله وجهه
::
توكلنا على الله
::
1- ماهي علاقتك بالشعر ؟!!
علاقة موتر أبوي بديزله 
2- من هو شاعرك المفضل ؟!!
كثيــر منهم الشاعر المميز : ســداح
3- اعضاء تثق في ذائقتهم الشعرية ؟!!
الحاتميه و لا يهون الحاضر
4-عضو تقول انت سوبر ستار متذوقي الشعر بنبض العاصمه ؟!!
يعذروني الربع .. آنا والله قليلة تواجد و لآ تشرفت بمعرفتي للأعضاء جميع 
5- بيت شعر يحضرك دائماً ؟!!
ودي و ودي يا كثـر مـا ودي = و اخاف ودي لا يبيّح سـدي
أخاف لا اغنّي و اجيب الخافي = تكفين شدّي عالقلـم يا يـدّي
6- قصيده تعدها من اروع القصائـد ؟!!
مانـي بميّـت نـار ياميّـت الـنـار
رزقي .. ضمنـه الله عزيـز الجلالـي
من دون ماء وجهي عن الضيف والجار
ماني بحاسب وش غدا مـن حلالـي !
لا مسّكرٍ بابـي .. ولا مـدوّر اعـذار
وصاة ابـوي وسلـم عمـي وخالـي
سلومنا .. و سلـوم وافيـن الاشبـار
وحنـا علاهنّـه مــن اول وتـالـي
حنا حرار .. و من صواريـم الاحـرار
لـو عاكستنـا مقـبـلات الليـالـي
نجزع من الميـلات لا صـار ماصـار
ونصبر عليهـا مثـل صبـر الجمالـي
صبـرٍ يذوّقنـا معـه مـرّ الامــرار
مـرّه علـى كبـود الشغاميـم حالـي
7- هل لك محاولات في كتابه الشعر ؟!!
للأسف لآ 
8- لك مساحه بلآ حدود وحرية بلا قيود امتعنا بقصيدة على ذوقك ؟!!
مادام بعدي عن رفيقي بيرضيه
.......... نذر علي اني فــــلا اطق بابه
عيب التفت في جاه مخلوق وادعيه
.......... والمبتلي ساعة دعا مستجابه
الضعف ما طيقه ولا أطيق طاريه
.......... و الدمع لا يرقى ولا يـنـرقــابــه
إن ما جمعت وجيه مـاأفرق وجيه
.......... ومن لا بنيته ماسعيت بخرابه
وانا لواني باألتفت باألتفت ليــه
.......... الرمح غالي والفريسه ذبابه
بدري عليه احسب له حساب واوجيه
.......... و بدري عليه يشيلني من حسابه
9- بيت شعر اذا ضاق صدركـ ترددهـ ؟!!
يا رب .. لا مني ذكرتك .. و صليت
........... و ذكرت عفوك و انت لا ضقت عوني
ضحكت .. ضحكة طفل لاهي .. و سجيت
............ ما همني .. لو الجميع .. خذلوني
10- اهدي بيت شعر لعضو بـ المنتدى ؟؟
وقفاتنا.. وقفاتنا.. وقفة جبال
وفزعاتنا.. مثل الفخر.. ينعنيله
نمدّ مدّ .. ونقصر العلم.. لاطال
ونلجم كلام اهل القلوب الهبيله
رجّالنا لو مات.. تبقى له أفعال
والحيّ منّا إسألوا.. وش حصيله
وكان (الحميّا) له معاميل.. ودلال
(حنّا) ارتوينا من قراحه.. وهيله
إهداء لكل فضلي
11- أجمل بيت غزلي مر عليك .؟؟
أموت لك أموت معك أموت منْك أموت فيك = ضع خط تحـت الموتـه اللـي تعجبـك و أموتهـا
::
أتمنى أن أكون وفقت في الإجابة والله يجعلنا دايم عند هقاوي الطيبين شرواكم
::
يتفضل أخوي : عمر المسعر
|