سلام سلم على ( الكثران ومغيره ) وبلغ سلامي لـ فضلي حافظ الجيره
السلام عليكم ورحمة الله وبركاته
وعيدكم مبارك وعساكم من عواده
اقدم لكم قصيدة من الشاعر
ناصر سلمان الفضلي @Nasser_salman
يقوول فيها ..
سلام سلم على ( الكثران ومغيره )
وبلغ سلامي لـ فضلي حافظ الجيره
وأرفع عقالي لـ لام وجيشها الكاسر
اللي بهم تجتمع القوه و الغيره
يوم العرب همها في الشعر و بيوته
حنا فزعنا لـ ابن تيميه والسيره
وحنا حكمنا الجزيره حكم لا يمكن
تتصوره يا بشر يجعلك في حيره
من فعل جدي وأبوه وعمه ، وجـده
شفت المؤرخ يجن ويُطلب بـ غيره
ما يحصي فعل الرجال كتاب ومسجل
وما تحصي طيب الجدود الطيبه ديره
وأنا الحقيقه أفاخر في الكرم والجود
وشلون ننسى الكرم والطائي أميره
أول جدود الفخر و العز و النوماس
مرحوم يا حاتم المعروف في خيره
ما شفت في لام لا ضايق ومتعومس
لأنهم شخص واحد صـك ، أزاريره
وأنا الصراحه يهون الموت في عيوني
لا صارت الحاجه الميؤسه ، كبيره
لكن وربي بسيطه مالها ، داعي
مدام لامٍ بـ جمبي ترجع صغيره
وآخر كلامي يا لام وخطها حبري
أنتو علم ما يطيح وطيحته كبيره
وسلااااااااااامتكممم
|