السلام عليكم ورحمة الله وبركاته

كيف الحال عساكم بخير ؟ , واعذروني عن الانقطاع دخلت عشان بعض الناس زعلانين

وحبيت اجيب لكم موضوع حلو وعلى قولتهم سولافه حلوه

احم احم هههههههه

.. ..



يقول واحد من الطلاب :


أستاذ تكفى وقف الدرس لاهنت
وشلون ابفهم دام خلي نساني ؟

لصار خلي هو حبيبي وانا انت
وتشوف خلك رايح لشخص ثاني


..




رد عليه طالب ثاني وقال :


أستاذ تكفى كمل الدرس لاهنت
يضحك على نفسه مسوي يعاني

شفني انا ميت من الحب في بنت
لكن جالس منتبه في مكاني


..



ورد عليهم الاستاذ وقال :


احسنت يالتلميذ احسنت احسنت
هيضت قلبي يوم شعرك لفاني

وذكرتني باللي على حبه ادمنت
لكن قلبه صد عني ونساني

واوقفت شرح الدرس تقدير لك انت
والدرس هذا بشرحه في يوم ثاني.