البارحة هبت على راسي هبوب
أنا لحالي و الهبوب لحالها !!!!
•
تغانمتني من شمال و من جنوب
يالين جابت من تجر أذيالها
•
أحوفها وتحوفني من كل صوب
ياليت من تطري علي أطرى لها
•
لا شفتها في شاشة الجوال أذوب
مثل ماذاب بنحرها .... سلسالها
•
وش ذوّب السلسال في قشطه وروب؟؟
أنشهد أنه ضاع ...... بين ثقالها !!
•
مريم ، وتوقف عندها كل الدروب
وتنتهي بـ قصارها وطوالها
•
أستغفر الله وأرتجي عفوه وأتوب
إليه .. ماكني وُجدت إلا لها !!!!
•
أنا بوجه الله من كبار الذنوب
أخاف لا أصلي على تمثالها
•
أخاف تذبحني بها .... وأنا يدوب
أعوامي العشرين ....... تو ليالها
•
أحتاج لي صدرٍ يشيل أربع قلوب
قلبٍ لها ... وثلاث لجل عيالها !!!!
•
فواز نايف الدواجنه